Se Iketịbede

Ndikop Kpukpru Owo Mbọm

Usen kiet sista kiet ke New Zealand ama ese vidio “Have . . . Concern for One Another” emi ẹkenemede nte mbọm mme owo esinamde Jehovah ye nte enye esiwụtde ke mbọm mmọ anam imọ. (Isa. 63:7-9) Sista oro ama ebiere ndinam se enye ekekpepde, ntre enye ama akama enyịn oyom usụn̄ emi enye akpan̄wamde mbon en̄wen. Ini enye akade ndidep n̄kpọudia kpa usen oro, enye ama okụt mma kiet emi mînyeneke ufọk se odụn̄ onyụn̄ ọdọhọ ke imọn̄ idep udia inọ enye. Mma oro ama enyịme. Ini enye emende udia ọsọk mma oro, enye ama ada tract Ndi Ufen Eyetre Tutu Amama? ọkwọrọ ikọ ekpri ekpri ọnọ mma oro.

Mma oro ama obom eyet onyụn̄ ọdọhọ sista oro ke ẹkemaman imọ ẹsịn ke esop, edi ke ima ikpọn̄ esop ediwak isua ko ke edem. Edi ndondo emi, mma oro ama ọbọn̄ akam ọdọhọ Jehovah an̄wam imọ ifiak itiene enye. Sista oro ama ọnọ enye Bible onyụn̄ odiomi ndisika n̄kekpep enye Bible.a

Jehovah esikop mme owo mbọm, nnyịn n̄ko imekeme ndikpebe enye. Mbon emi ikemede ndikop mbọm ẹsịne iman nnyịn ye nditọete ke esop. Usụn̄ emi ikemede ndiwụt ke imokop mbon en̄wen mbọm edi ndiyom nsio nsio ifet n̄kwọrọ ikọ nnọ mmọ.