Bible a ne faa dzé ?

ÉYALAN KALARE NZAME A VE

« Ntsilan ôse wa so ébe Nzame. » ​—2 Timothée 3:16.

DA YILI YA ÉBE WA . . .

Ô ne bele mbemba biyalan ébe bura minsili mi ye éning.​—Minkana 2:1-5.

Ô ne bele mbemba melepgha aval ô ne ning sôsôe môs ôse.​—Bya 119:105.

Ô ne bele mbemba ôyan nfa éning da zu.​—Beromain 15:4.

YE BI BELE MEKALGHA MA VE NAA BI YEBE É DZAM BIBLE A DZÔ ?

Ôwé, bi ne tu mam melal :

• Minten miéñ miaa selane ki. Bôt 40 mindzang-mindzang be nga tsili Kalare Nzame tang mimbu 1600, abuiñ ye été be mbe kaa yeman. Ve, é mam be nga tsili me mbe sôsoe ya ôsiman mboo !

• É bebela a ne été. Be yem mam be wole sole é mam me ne abé ma bobane mesi meba. Ve, é bôt be nga tsili Kalare Nzame be mbe bebela, amu be nga tsili bikop biéba ya é bi meyong me bôt meba.​—2 Minlang 36:15, 16 ; Bya 51:1-4.

• Minkulan medzô mèñ mia dzalban. Éfônan : Kalare Nzame a nga dzô mimbu 200 ô mvus naa, é kisoan Babylone nge ki Babilonia da ye ku aluman. (Esaïe 13:17-22) Kalare Nzame a nga lere aval dzam té da ye boban, ye tu éyôla ndjié a nga yiène dzale adzô té !​—Esaïe 45:1-3.

  Kalare Nzame a nga kule abuiñ minkulane medzô mife mi nga dzalbane. Nde se mam meté é me bia yane ébe é kalare a dzô naa ane Kalare Nzame ?​—2 Pierre 1:21.