Nzame a nga vele dzôp ye si

Jehôva Nzame a ne Mvele wèè. A nga vele mam mesese, é biôm bi ne yen, ye ébi bii se ki yen. Kaa naa a vele é biôm bi ne yen, a nga vele édedaa abuiñ bangele. Ye wa yem beza be ne bangele ? Bangele be ne é bôr Jehôva a nga vele, be ne ane éñe. Bii se ki be yen, aval fe ane bii se ki yen Nzame. É angele ôsua Jehôva a nga vele, a nga bo mvole wèñ. Angele té a nga vole éyong Jehôva a nga vele atétéñ, ye abuiñ biôm bife, beplanetas ya é biôm bisese bivoo. Planeta mboo ye été, a ne si, é mbemba étobgha dèè.

Éyong té Jehôva a nga kômane si naa, boan be-bôr ye betsit be ning été. A nga vele nlô-dzôp naa, ô ve éyèè a si. A nga vele minkôô, mang, ye ashuiñ.

Za dzam é nga boban ôsu vèè ? Jehôva a nga dzô naa : “Me nga zuhang bo biloa, boan bilé, ye bura bilé.” Abuiñ menzang bibuma, bilé, ye fe mesam me nga sum fèè. Ane Jehôva a nga bo betsit besese : betsit ba yele, éba ba dzoa, éba ba wulu, ye éba ba yaa. A nga bo betsit be ne avitsang ane bidu bingina, ye éba be ne édedaa benen ane bezoa. Tsit évé wa dang dzing wa yen ?

Ôsu vèè, ane Jehôva a nga dzô angele ôsua naa : “Mboghe moan môr.” Boan be-bôr be nga ye selane ya betsit. Be nga ye bele akeng ye a té biôm. Be nga ye kobe, a wuèñ, ye yaghlan. Be nga ye kale si, ya betsit. Ye wa yem za a mbe é moan môr ôsua ? Nge wa kômô de yem, langhe ayeghle da zu ôsu.