Aval ô ne tugha buane ayeghe Bible duè

Ye wong ô bihang wa éyong wa siman naa ô nga zuhang sum môra nféféñ dzam ? Naa ô taa de yen édedèè nzukh, ô ne ke wa kane de ayôm boan mebong naa é bo wa ébubu. É ne fe aval dèè éyong wa sum nlanghan Bible. Ô ne sili naa : ‘Ma ye tare sum vé ?’ Ayeghle di été, bia ye yen ayôm mam m’ézing ô ne bo, me ne wô vole a tugha buane nlanghan ya ayeghe Bible dwiè.

1. Amu dzé bia yiène lang Bible éyong ésese ?

É môr a lang Bible nge ki « atsing Jehôva » éyong ésese, a ye tobe mevakh été ye bele abuane y’été. (A lang Bya 1:1-3.) Naa ô sum, dzenghe naa ô lang Bible fave ayôm bibuk kada môs. Nté sese wa ye ke wa vebane kalare Nzame, nté té fe wa ye buane nlanghan Bible wiè.

2. Dzé da ye wô vole naa ô buane nlanghan Bible wiè ?

Naa bi tugha buane nlanghan Bible, é ne éban naa bi sim ya fas é dzam bia lang. Bia yiène lang « ya binane. » (Josué 1:8, atoan é ne asi) Nté wa lang, silighe wamièn minsili ane : ‘Za dzam da yeghle ma ébe Jehôva Nzame ? Aval avé me ne de dzale éning dam été ? Aval avé me ne belane bifus bité naa me vole bôr befe ?’

3. Aval avé ô ne bele éyong naa ô lang Bible ?

Ye wa yirane naa ô bele éyong naa wa lang Bible ? Abuiñ y’ébe bia, bia bo de. Dzenghe naa « ô tugha yem belane é tam dwiè. » (Beéphésien 5:16) Ô ne de bo nge wa top ngura tam kada môs naa wa lang Bible. Abim bôr ba ñong tam ékuna kikiri naa ba lang Bible. Éba bevoo ba top naa ba bo de ngoghase, tam ézing éyong ba waghane nge ki éyong ba dzi. É bôr bevoo ki ba lang Bible alu kaa naa be ke dzogbe ôsi. Ébe wa ki, tam fé da dang wô mbeng ?

A TUGHA FAS

4. Yaghe aval ô ne tugha buane nlanghan Bible wiè

É ne bo kaa bo ébubu naa bi sum nlanghan Bible. Ve, bi ne dzeng naa « bi bele nkôman » naa bi bo de, aval ane é môr a yeghe a dzi nféféñ n’nam. A lang 1 Pierre 2:2, éyong té mia lèè minlang mia daghe nsili wa zu wi :

• Ye wa tem naa nge ô lang Bible melu mesese, é ne bo é dzam wa buane do, ya kômô de bo avôô ?

Daghane ÉNGENGENG naa mine yen aval bôr b’ézing be nga sum buane nlanghan Bible. Éyong té mia lèè minlang mia daghe minsili mia zu mi :

ÉNGENGENG : Jóvenes que han aprendido a amar la Palabra de Dios nge ki Des jeunes qui apprennent à aimer la Parole de Dieu (5:33)

• Éngengeng di été, za minzukh bitong bi-bôt be nga dang ?

• Za dzam é nga vole be naa be dzale é dzam be nga kômane nfa nlanghan Bible ?

• Aval avé be nga ve naa nlanghan Bible wôba ô bo édedèè mbeng ?

Melepgha me ne wô vole naa ô sum :

• Topghe é Bible a ne nkobe bia kobe ému a too fe sôsôe. Dzeng naa ô belane Traducción del Nuevo Mundo nge ki Traduction du monde nouveau nge a ne nkobe wiè.

• Ôsusua langhe mevôm wa dang dzing. Mia ye yen mesiman mefe afep é ne nlô-adzô naa : « Mefakh ô ne belane mo naa ô sum nlanghane Bible. »

• Tsilighe mevôm ô lang-hang. Beleghane afep é ne nlô-adzô naa : « Nlanghane Bible wom» é ne é kalare ñi été.

• Beleghane évol JW Library^®. Ya évol té, ô ne lang ye bèè nlanghan ya Bible, wéé belane teléfono nge ki aparato éfe.

• Beleghane apéndice nge ki appendice é ne Traducción del Nuevo Mundo nge ki Traduction du monde nouveau. A lang été, be mapas nge ki becarte, be apéndice nge ki be appendice ye glosario nge ki lexique be ne ve naa nlanghan Bible wiè ô bo édedèè mbeng.

5. Kômane ayeghe Bible dwiè

A lang Bya 119:34, éyong té mia lèè minlang mia daghe nsili wa zu wi :

• Amu dzé é ne mbeng naa ô yaghlan kaa naa ô sum nlanghan Bible nge ki naa ô kômane ayeghe Bible dwiè ?

Aval avé ô ne ve naa kada étun ye ayeghe Bible dwiè é bo édedèè mbeng ? Nté wa kômane ayeghe dwiè, dzenghe naa ô vakh é mam ma :

1. A lang mebong ma tare ayeghle.

2. Daghe ya lang bifus bi ya Bible, ya dzeng naa ô wokh élat bifus bité bi bele ya ayeghle wa bo.

3. Ngôneghe bifiè ya minlong bifiè mia yalane kada nsili ; dzam té da ye wô vole éyong wa ye lèè minlang ya n’yeghle wiè.

Ye ô va yem de ?

Bengaa Jehôva be nga belane abuiñ minkonghlan be Bible. Ve, bia dang dzing bia belane La Biblia. Traducción del Nuevo Mundo nge ki La Bible. Traduction du monde nouveau amu a ne bebela, ébubu a wokh ye naa a belane éyôla Nzame.—A daghe nlô-adzô wi a nden « ¿Tienen los testigos de Jehová su propia Biblia? » nge ki « Les Témoins de Jéhovah ont-ils leur Bible à eux ? »

AKIGHE BES

Naa ô tugha buane nlanghan Bible wiè, kômane é tam wa ye de lang, yaghlan naa ô wokh é dzam wa lang ya kômane ayeghe Bible dwiè.

Ôbaghle

• Dzé da ye wô vole naa ô tugha buane nlanghan Bible wiè ?

• Éyong é vé ô ne ñong tam naa ô lang ya yeghe Bible ?

• Amu dzé é ne éban naa ô kômane ayeghe Bible dwiè ?

Ô NE FE KE DAGHE

Daghe mesiman mefe me ne wô vole naa ô tugha buane nlanghan Bible wiè.

« Disfrute leyendo la Biblia » nge ki « Une lecture qui vous apportera beaucoup » (La Atalaya, Núm. 1 2017 ; La Tour de Garde, n° 1 2017)

Yaghe meval melal ô ne lang Bible.

« ¿Cómo puede ayudarme la Biblia?—Primera parte: Busca tesoros en la Biblia » nge ki « Comment la Bible peut-elle m’aider ? (1^re partie) : Explore ta bible » (Nlô-adzô té ô ne a nden)

Yeneghe aval ô ne buane nlanghan Bible.

« ¿Cómo puede ayudarme la Biblia?—Segunda parte: Aprende a disfrutar la lectura de la Biblia » nge ki « Comment la Bible peut-elle m’aider ? (2^e partie) : Rends ta lecture de la Bible agréable » (Nlô-adzô té ô ne a nden)

Yeneghe ayôm melepgha é bôr be sum-hang nlanghan Bible ayap ba ve.

Une bonne étude individuelle nge ki Cómo estudiar la Biblia y sacarle provecho (2:06)