Mban

É dzam Pablo nge ki Paul a nga bo

ÉNGENGENG : Pablo a kanghle Efesio nge ki Éphèse ya mban

1. Daghe ÉNGENGENG, nge ki a lang Bisè mintôl 19:8-10. Éyong té wa fas minsili mi :

1. Ndaane naa Pablo a sim minkanghle éyong bôt be nga tebe ñe é ngam ayat, aval avé a nga bo mban naa a vole é bôt be nga yebe bebela ?

2. Biyong tang ya Pablo a nga bulane naa a ke yeghle bôt beté, ye naa é nga bem biyong tang ya ?

Za dzam bia yeghe ébe Pablo ?

2. Da sili tam ya mengu’u naa bi bera ke fep é bôt bi va kanghle ya sum ayeghle Bible ya bo.

Vughe Pablo

3. Bia yiène tobe nkoghane naa bi ke fep môt awôla a kômô. Silighe wamièn naa : ‘Tam fé ya vôm mbé é ne bo ébubu naa me fep ñe ? Tam fé ya vôm mbé é ne ñe bo ébubu naa a kobe ya ma ?’ Tsinighe naa wa fep ñe amben waa dzing ki awôla a va ve wa.

4. Topghan é tam mia ye bera yenan. Éyong sese mia mane nlang, dzenghe naa ô ban awôla ô ne bera ke fep môt té. Vakh mengu’u naa ô kang awôla té.

5. Ô taa sili mo ôsi. Ô taa tem naa môt aa kômô ki bèè medzô me Nzame amu naa waa kuène ki ñe a nda nge ki naa a bele abuiñ mam a bo. (1 Becor. 13:4, 7) Tsinighe naa wa dzeng naa wa ke fep môt té, ve, boghe nkee naa ô yem belane é tam duè. —1 Becor. 9:26.