A ve mengu’u mese

É dzam Yésu a nga bo

ÉNGENGENG : Yésu ayeghle Nicodemo

1. Daghe ÉNGENGENG, nge ki a lang Jean 3:1, 2. Éyong té wa fas minsili mi :

1. Amu dzé Nicodemo a nga top naa a ke yen Yésu alu ? —A daghe fe Jean 12:42, 43.

2. Aval avé Yésu a nga lere naa a ve mengu’u mesese naa a bo beyeghe, éyong a nga ke tubane Nicodemo alu ?

Za dzam bia yeghe ébe Yésu ?

2. Bia lere naa bia dzing é bôt bevoo éyong bia ve mengu’u mesese naa bi vole bo naa be tobe beyeghe.

Vughe Yésu

3. Yeghe ya n’yeghe Bible wiè awôla ya é vôm a va top. A ne top ngum môs nge ki ngum awôla. Ye da ye ñe bo ébubu naa a bo ayeghle Bible é vôm a bo éséñ, é nda dzèñ, nge ki a nseng ? Nge é ne boban, tseneghe mewôla minkanghle muè naa ô ke fep n’yeghe Bible wiè awôla ya é vôm a va top.

4. Boghe ayeghle Bible sono ése. Nge waa ye ki bele tam, ô taa likh naa ayeghle é boban sono nfe. Ndaane de, ô ne fas minsili mi :

1. Ye ô ne bo ayeghle Bible môs nfe ye sono té ?

2. Ye ô ne ñe bo ayeghle Bible ngalane teléfono nge ki videoconferencia ?

3. Ye ô ne dzô nkar-fuèñ nfe naa a ke bo ayeghle Bible té ?

5. Yaghlane naa ô yem yen mam. Silighe Jehôva avole nfa ye naa ô ve mengu’u mese ébe n’yeghe Bible wiè, amben da bo ñe ndzukh naa ayeghe sôno ése, nge ki da bo ñe ndzukh naa a dzale melepgha me ya Bible. (Beph. 2:13) A ne bo naa n’yeghe Bible wiè a bele mbemba mefulu ; yaghlane Jehôva naa a vole wa naa ô bembe ébe mefulu meté.