Aval ô ne belane bifônan minkanghle

A kôre ye Ngoan ôsua ye mbu 2018, bifônan minkanghle bii mbe bi kuiñ ékôp Éning moan kristen ye ésèñ minkanghle​​—Kalare akal ésulan. Aval avé bi ne belane bie ?

Éyong mina bo ésèñ bong besikôlô : Ô ne belane minsili, Bible, ye bifônan minkanghle. Ve, daa yili ki naa wa yiène bo aval daa-daa fe ane bingengeng bi ye bifônan minkanghle bia lere de. Ô ne de bo meval abuiñ, atarga nlang, mbemba ntaane ôsiman ye mam mefe. Ô ne fe ve abakh daa yʼÉwala bivol akal minkanghle dèè, mben déé se ki n’dzôane melepgha akal étun té.

Éyong mi ne minkanghle : Bifônan minkanghle bi ne m’boane naa bi ve bia mesiman me ne éban. Nge môr a lere naa a kômô bèè ye tsini nlang ôsu, ô ne tsini nlang ôsu, ngeng ézing wéé belane éfônan ayene bèè. Ô ne tsen éfônan minkanghle nge ki faa a belane éfônan da kanane y’édii té. Y’ô ne belane éfônan y’é ngoan é ndaghe lôt, nge ki éfus éfe é ne name bôr be y’abeng-minkanghle denan ? Ye dzam ézing é nga bobane, nge ki naa é ngene da bobane é vôm mi too déé name bôr be ye vôm té ? Aval sese ô ne bo, ô ne belane bifônan minkanghle meval abuiñ. Ve, é dzam wa yiène baghlé ôsimane é ne naa : « Ô bo dzam asese akal mbemba fuèñ, naa ô kanghle é bôr bevoo. »​—1 Becor. 9:22, 23.