A wôrane mintèñ é môr mboo

A wôrane mintèñ é môr mboo a ne é dzam da ve naa bi wokh mesiman, bi yem é mam a tele ôsu ya é mam é môr mboo a yi. A dziga wokh é mam é bôr bevoo ba wôrane ya bele nkômane naa bia vole bo. Éyong bia wôrane mintèñ é bôr bevoo minkanghle, bia lere édzing Jehôva ya avole dèñ, dzam té da ve naa bôr be yir nye bébéñ.—Beph. 2:4.

A wôrane mintèñ é môr mboo déé se ki zeze fakh ; da lereban ya aval bia bèè ye kôbe, ya fe aval bi ne, aval bia foghan ya aval da yene bia asu. Bia wôrane mintèñ é môr mboo éyong bia lere naa bia bis nye. Bia dzeng naa bi yem é mam me tsii nye a n’nem, m’bunane wèñ ya é mam a tubane mo éning dèñ. Bia ve nye mefuèñ a ne belane mo, ya vole nye, ve bi ta’a nye yemle naa a tsen. Éyong é bôr bevoo ba yebe naa bi vole bo, dzam té da veme mevakh mèè minkanghle.

DAGHANE ÉNGENGENG BELEGHANE MEVAKH NAA MINA BO BEYEGHE—A BO AKENG MINKANGHLE—A WÔRANE MINTÈÑ É MÔR MBOO, ÉYONG TÉ MIA YALANE MINSILI MIA ZU MI :

• 

  Aval avé Neeta a va lere naa a wôrane mintèñ Jade éyong nyî té éé dzi ki so awala a va yiène so ?

• 

  Aval avé Neeta a va lere naa a wôrane mintèñ Jade éyong a va dzô nye naa éé se ki bo ayeghe Bible amu n’nem ô kele nye ôyô ?

• 

  Aval avé Neeta a va lere naa a wôrane mintèñ Jade éyong a va dzô nye naa éé se ki aval môr da yem kômane ?