A belan a Biblia ane ngop

Santiago n’yeghe Yésu, a nga vaghane Biblia ya é ngop da vole bia a yen, aval môr bi ne a n’nem été (Jacq. 1:22-25). Za aval, bi ne yem belane Biblia ane ngop ?

A tugha lang. Nge bia daghe bia bebién avôô-avôô a ngop été, bi ne bo kaa yen nge dzôm ézing déé se ki bia mvèñ ô ñuu. Aval daa fe, nge bia lang Biblia avôô-avôô, biaa ye ki yen é mam me ne éban, nfa ye naa bi songhane. Nge bia kômô yen é mam mézing bia yiène songhane nfa aval môr bi ne a n’nem été, bia yiène tugha daghe Nkobe Nzame été, bi lang ôtetekh-ôtetekh.

A dang daghe wamién a lôr é bôr bevoo. Biyong bizing, éyong bia daghe a ngop été, bi ne fe yen é bôr bevoo ye sum bembe ébe bikop bieba bia yen a ngop été. Ve, dzam té daa ye ki bia vole a songhane bia bebién.

A yen mam aval da yiène. Éyong bia daghe a ngop été, bi yen fave é mam biaa dzing ki bi taa, bi ne sili mo ôsi. Ya dzam té, é ne éban naa bi yen mam aval da yiène éyong bia lang Nkobe Nzame, kaa sili bia bebién a lôr abim Jehôva a sili bia (Jacq. 3:17).