Nlô adzô ya Bible ô larane ya Édjié Nzame. Ngalane Édjié té, Jehôva a ye dzale nkôman a mbe a bele akal boan be-bôt a si va mesumgha. Dzé é ne Édjié Nzame ? Aval avé bia yem naa é nga djié ya ému ? É dzal-yang za mam ? Za mam Édjié té da ye bo melu ma zu ? Minsili mité, bia ye yalane mio ayeghle di été ya meyeghle mevoo ma zu.

1. Dzé é ne Édjié Nzame, ya naa, za a ne kéza ye Édjié té ?

É ne Édjié Jehôva Nzame a nga tele. Kéza ye Édjié té a ne Yésu Christ, a djié a dzôp été. (Matthieu 4:17 ; Jean 18:36) Édi da daghe Yésu, Bible a dzô naa : « A ye djié [. . .] mbèmbèè. » (Luc 1:32, 33) Akal a ne kéza ye Édjié Nzame, Yésu a ye djié si se ngura.

2. Beza ba ye djié ya Yésu a dzôp été ?

Yésu aa ye ki djié étam. Bible a dzô naa : Bôt be ye « memvong mese, minkobe mise ya meyong mese [. . .] ba ye djié si. » (Melere 5:9, 10) Bôt tang ya ba ye djié ya christ ? A té ye éyong Yésu a mbe a si va, baakure be-bôt be nga ñong nkighane naa ba bo beyeghe bèñ. Ye bese ba ye djié ya ñe ? Kaa, fave bôt 144 000 ébe ba ye ke djié ya Yésu a dzôp été. (A lang Melere 14:1-4.) Bekristen bese bevoo ba ye bo bôt be ye Édjié Nzame a si va.—Bya 37:29.

3. Amu dzé Édjié Nzame éde da dang mbeng a lôt bidjié boan be-bôt ?

Amben bidjié bizing bia kômô bo é mam me ne mbeng, béé se ki mane bo é mam mesese ba kômô. Ya naa, é bôt ba ye be tsen édjié, baa ye ki bo mam naa be vole é bôt bevoo. Ve, Yésu kéza ye Édjié Nzame, môt ézing aa ye ki ñe tsen tam ézing. Nzame a nga tele « Édjié daa ye ki dzang môs ézing. » (Daniel 2:44) Yésu a ye djié si se ngura, ya naa aa ye ki bo ôbangam. A ne édzing, añep ya sôsôe ya naa, a ye yeghle môt asese aval daa—ya édzing, añep ya sôsôe.—A lang Esaïe 11:9.

4. Édjié é ne ngu’u da ye djié si se ngura

Yésu Christ a bele ngu’u da lôt é bôt bese be djié-yang éning di. A lang Matthieu 28:18, éyong té mia lèè minlang mia daghe nsili wa zu wi :

• Za nkane ô ne nfa é ngu’u Yésu a bele ya é ngu’u bidjié boan be-bôt ?

Bidjié bi ya si bi wôla tsen, ya naa kada ndjié a djié nfa si wèñ. Ye Édjié Nzame da ye bo aval té ? A lang Daniel 7:14, éyong té mia lèè minlang mia daghe minsili mia zu mi :

• Amu dzé é ne mbeng naa Édjié Nzame « daa ye ki dzang môs ézing » ?

• Amu dzé é ne mbeng naa Édjié té da ye djié si se ngura ?

5. Ba yiène tsen bidjié boan be-bôt

Amu dzé Édjié Nzame da yiène tsen bidjié boan be-bôt ? Daghane ÉNGENGENG, éyong té mia lèè minlang mia daghe nsili wa zu wi :

ÉNGENGENG : Édjiè Nzame é ne foghe dzé?—Abong (1:41)

• Za mbimbia be-mam me nga so ya édjié moan môt ?

A lang Ecclésiaste 8:9, éyong té mia lèè minlang mia daghe minsili mia zu mi :

• Ye wa tem naa Édjié Nzame da yiène tsen bidjié boan be-bôt ? Amu dzé ?

6. É bôt ba ye djié Édjié Nzame ba wôran é mam bia wôran

Yésu kéza ye Édjié Nzame, a ne « tugha wokh é mam ma ndaghle bia. » (Behébreu 4:15) Jehôva a nga top 144 000 binenga ya befam ba ye djié ya Yésu « ébe memvong mese, minkobe mise ya meyong mese. »—Melere 5:9.

• Ye da ve wô ngu’u ô ñuu naa Yésu ya é bôt ba ye djié ya ñe ba yem é dzam da yili naa a ning ane moan môt ? Amu dzé ?

7. Metsing me ye Édjié Nzame éme ma dang mbeng a lôt éma boan be-bôt

Bidjié bia yiène ve metsing ma buane ya kame bôt be ye é si deba. Édjié Nzame dé bele fe metsing é bôt bèñ ba yiène kang. A lang 1 Becorinthien 6:9-11, éyong té mia lèè minlang mia daghe minsili mia zu mi :

• Wa tem naa éning di da ye bo yè éyong môt asese a ye mane kang metsing Nzame ?a

• Ye wa tem naa da yiène naa Jehôva a sili é bôt ba ye tobe Édjié dèñ asi naa be kang metsing meté ? Amu dzé wa tem do ?

• Amu dzé bia yem naa é bôt baa kang ki metsing meté, be ne tsen ?—A daghe éfus 11.

AKIGHE BES

Édjié Nzame é ne ña Édjié é ne a dzôp da ye djié si se ngura.

Ôbaghle

• Beza be ne bedjié be ye Édjié Nzame ?

• Amu dzé Édjié Nzame da dang mbeng a lôt bidjié boan be-bôt ?

• Za mam m’ézing Jehôva a kômô naa bôt be ye Édjié dèñ be bo ?

Ô NE FE KE DAGHE

Langhe é dzam Yésu a nga dzô nfa é vôm Édjié Nzame é ne.

« ¿Es el Reino de Dios algo que se lleva en el corazón? » nge ki « Le royaume de Dieu est-il dans votre cœur ? » (Nlô-adzô te ô ne a nden)

Amu dzé Bengaa Jehôva ba top naa ba tobe sôsôe ya Édjié Nzame ndaane édjié moan môt ?

Completamente a favor del Reino de Dios nge ki Fidèlement attachés au Royaume (1:43)

Yeneghe é dzam Bible a dzô nfa é bôt 144,000 Jehôva a nga top naa be djié ya Yésu.

« ¿Quiénes van al cielo? » nge ki « Qui va au ciel ? » (Nlô-adzô té ô ne a nden)

Dzé é nga ve naa é minenga ézing a mbe a mbokh a yem naa Nzame étam é ñe a ne ve sôsôe é si ñi ?

« Aprendí cómo se solucionarán las injusticias » nge ki « J’ai découvert la solution à l’injustice » (Réveillez-vous !, novembre 2011 ; Despertad!, noviembre de 2011)

Édjié Nzame é nga sum naa da djié a dzôp mbu 1914. Mbu té éwô fe melu me ye asughlan ye édjié moan môt me nga sum. Aval avé bia yem de ? Bia ye yen nkulane adzô ya Bible, é dzam da boban a si, ya aval mefulu bôt be bele a té ye mbu 1914

1. Za dzam nkulan adzô ya Bible wa lere ?

Abakh Daniel é nga lere naa Édjié Nzame da ye sum djié amanegha ye é tam be nga luè naa : « metam zangbwa. » (Daniel 4:16, 17) Mintet mimbu ôsu vèè, Yésu ñe a nga kobe fe adzô tam té ane : « é tam be nga ve meyong naa be djié, » éde a nga dzô naa tam té déé be ki man. (Luc 21:24) Aval bia ye de yen, metam zangbwa me nga man mbu 1914.

2. Za mam, ya za mefulu me nga sum lereban a té ye mbu 1914 ?

Beyeghe Yésu be nga sili ñe naa : « Za ndem da ye lere naa asoo duè éé ntoo bebéñ, ye asughlan ye émo di ? » (Matthieu 24:3) Naa a yalane bo, Yésu a nga dzô be naa abuiñ mam ma ye boban éyong a ye sum djié a dzôp été ane kéza ye Édjié Nzame. A lang été, meluman, zèñ ya minfonghane mi si. (A lang Matthieu 24:7.) Bible a nga kobe fe adzô mefulu bôt ba ye bele « melu me ye asughlan » ma ye ve naa éning é bo « nzukh a zôme. » (2 Timothée 3:1-5) Mam meté ya mefulu meté me nga sum naa ma lereban a té ye mbu 1914.

3. Amu dzé mam me nga sum bo édedèè abé a si va éyong Édjié Nzame é nga sum djié ?

Ôyôm tam niène Yésu a nga bo kéza ye Édjié Nzame, a nga lumane Satan ya bedémon nge ki be demonios bèñ a dzôp été. Satan éé dzi ki wun alumane té. Bible a dzô naa : « be nga wuè ñe a si, be nga wuè fe é bangele bèñ ya ñe. » (Melere 12:9, 10, 12) Satan a bira wokh ôlun amu a yem naa ba ye ñe wiñ. Akal dzam té, éde a ve naa mintèñ ya minzukh mi boban si se ngura. Bia wokh amu dzé mam me ne édedèè abé a si va ! Édjié Nzame da ye mane vèè minzukh misese mité.

A TUGHA FAS

4. Metang ma lere naa Édjié Nzame é nga sum djié mbu 1914

ÉNGENGENG : El Reino de Dios empezó a gobernar en 1914 nge ki Le royaume de Dieu a commencé à gouverner en 1914 (5:02)

Nzame a nga ve naa Nabucodonosor kéza ye Babylone nge ki Babilonia ôkua a yen biyeyem bi nga lere nkulan adzô. Biyeyem bité ya ayilgha Daniel a nga ve, bi nga lere naa biyeyem bité bia dzalban biyong bibèñ. Éyong ôsua, da daghe édjié kéza Nabucodonosor, éyong bèè da daghe Édjié Nzame.—A lang Daniel 4:17.a

A lang Daniel 4:20-26, éyong té wa belane tableau nge ki diagrama naa ô yalane minsili mia zu mi :

• (A) Za dzam Nabuchodonosor a nga yen biyeyem bièñ été ?—A daghe bifus 20 ya 21.

• (B) Za dzam da lôrane ya élé ? —A daghe éfus 23.

• (C) Za dzam da lôran amanegha ye « metam zangbwa » ?—A daghe éfus 26.

Élat é ne ézizang élé ye biyeyem ya Édjié Nzame

NKULAN ADZÔ (Daniel 4:20-36)

Édjié

(A) Môra élé

Édjié é simang

(B) « Kighane élé, » éyong té mia likh « metam zangbwa me lôt »

Édjié é bereya sum djié

(C) « Ba ye bulan édjié duè »

Éyong ôsua nkulan adzô té wa dzalban . . .

• (D) Za a ne élé ? —A daghe éfus 22.

• (E) Éyong évé édjié dèñ é nga sim ? —A lang Daniel 4:29-33.

• (F) Za dzam é nga lôrane Nabucodonosor amanegha ye « metam zangbwa » ? —A lang Daniel 4:34-36.

ÉYONG ÔSUA DA DZALBAN

Édjié

(D) Nabucodonosor, kéza ya Babylone nge ki Babilonia

Édjié é simang

(E) Niène mbu 606 keghe naa Yésu a byale ô nga lôt, Nabucodonosor a nga koan n’nem, éde éé mbe ki fe djié tang mimbu zangbwa

Édjié é bereya sum djié

(F) Nabucodonosor a lerang ye bera sum djié

Éyong bèè nkulan adzô té wa dzalban . . .

• (G) Za a ne élé ? —A lang 1 Milang 29:23.

• (H) Éyong évé édjié dèñ é nga sim ? Aval avé bia yem naa éyong Yésu a mbe a si va, abong té édjié té daa be ki sum naa da djié ? —A lang Luc 21:24.

• (I) Éyong évé, ya vôm mbé édjié té é nga ye bera sum djié ?

ÉYONG BÈÈ DA DZALBAN

Édjié

(G) Bisraélite nge ki Israelitas ba djié akal Nzame

Édjié é simang

(H) Jerusalén a nga tobe ntsaman, nlong bekéza be ya Israël ô nga sim tang mimbu 2520

Édjié é bereya sum djié

(I) Yésu a sum djié a dzôp été ane kéza ye Édjié Nzame

5. Si é nga tsen a té ye mbu 1914

Daghane ÉNGENGENG.

ÉNGENGENG : En 1914 el mundo cambió de rumbo nge ki Le monde a changé depuis 1914 (1:10)

Yésu a nga dzô aval si da ye bo éyong a ye sum naa a djié a dzôp été. A lang Luc 21:9-11, éyong té mia lèè minlang mia daghe nsili wa zu wi :

• Nfa nkulan adzô wi, za mam ô yenang nge ki a wokh ?

Ntôl Paul nge ki Pablo a nga dzô aval mefulu bôt ba ye bele melu me ye asughlan ye édjié moan môt asi. A lang 2 Timothée 3:1-5, éyong té mia lèè minlang mia daghe nsili wa zu wi :

• Za mefulu ô yenang bôt be bele ému ?

6. A yem naa Édjié Nzame é nga djié-yang da yiène bia ve naa bi tsen

A lang Matthieu 24:3, 14, éyong té mia lèè minlang mia daghe minsili mia zu mi :

• Za môra ésèñ da lere naa Édjié Nzame é nga djié-yang a dzôp été ?

• Aval avé ô ne bo ésèñ té ?

Édjié Nzame é nga djié-yang a dzôp été abong di, ya naa é tam a ye djié si se ngura é ntoo bebéñ. A lang Behébreu 10:24, 25, éyong té mia lèè minlang mia daghe nsili wa zu wi :

• Za dzam bia yiène bo nté « bia yen môs té wé yire bebéñ » ?

AKIGHE BES

Minkulane medzô ya é mam ma lôran éning di, ma lere naa Édjié Nzame é nga djié-yang a dzôp été. Bia lere naa bia bunu do éyong bia kanghle mam me ye Édjié té ya ke bisulan.

Ôbaghle

• Za dzam é nga lôran amangha ye metam zangbwa ye nkulan adzô wa so abakh Daniel ?

• Za dzam da tsini wa naa ô bunu naa Édjié Nzame é nga sum naa da djié mbu 1914 ?

• Aval avé ô ne lere naa wa bunu naa Édjié Nzame é nga djié-yang a dzôp été ?

Ô NE FE KE DAGHE

Yeneghe é dzam betsili minlang ya bôt befe ba dzô nfa aval si é nga tsen a té ye mbu 1914.

« La era en que los valores decayeron radicalmente » nge ki « Depuis quand ce déclin brutal ? » (Réveillez-vous !, avril 2007 ; Despertad!, abril de 2007)

Langhe aval nkulan adzô bia yen nten Matthieu 24:14 ô nga name éning môt ézing.

« El béisbol era mi pasión » nge ki « J’aimais le baseball plus que tout au monde ! » (La Tour de Garde, n^o 3 2017 ; La Atalaya, núm. 3 2013)

Aval avé bia yem naa nkulan adzô Daniel abong 4 wa daghe Édjié Nzame ?

« ¿Cuándo comenzó a gobernar el Reino de Dios? (Primera parte) » nge ki « Quand le Royaume de Dieu a-t-il commencé à régner ? (1re partie) » (La Tour de Garde, 1er octobre 2014 ; La Atalaya, 1 de octubre 2014)

Za dzam da lere naa « metam zangbwa » ba tu abakh Daniel abong 4 me nga man mbu 1914 ?

« ¿Cuándo comenzó a gobernar el Reino de Dios? (Segunda parte) » nge ki « Quand le Royaume de Dieu a-t-il commencé à régner ? (2e partie) » (La Tour de Garde, 1er novembre 2014 ; La Atalaya, 1 de noviembre 2014)

Édjié é nga djié-yang. A lighe-yang avitsang tam naa é zu tsen abuiñ mam a si va. N’yeneghan é mbemba be-mam Édjié té da ye so mo ô ne yane ya n’nem ôse.

1. Aval avé Édjié Nzame da ye bera ve mvoa ya sôsôe a si va ?

Yésu kéza ye Édjié Nzame, a ye mane wîñ mbimbia be-bôt besese ya bidjié bieba aluman Armagedón. (Melere 16:14, 16) Tam té, é ngiagh Bible di da ye dzalban : « A lighe-yang avitsang tam, mbia môt a ye dzang. » (Bya 37:10) Ngalane Édjié Nzame, Yésu a ye dzale si se ngura ya mvoa ya sôsôe.—A lang Esaïe 11:4.

2. Éning da ye bo ya éyong nkômane Nzame wa ye dzalban a si va ?

Éyong Édjié Nzame da ye djié, « besôsôe be-bôt ba ye ñong si, ya ning été mbèmbèè. » (Bya 37:29) Tam simane aval éning di da ye boban éyong moan môt asese a ye bo sôsôe, ya naa môt asese a ye dzing Jehôva ya é môt mboo ! Môt ézing aa ye ki bera koan, ya naa môt asese a ye ning mbèmbèè.

3. Za dzam Édjié Nzame da ye bo éyong ba ye mane wîñ mbimbia be-bôt ?

Niène mbimbia be-bôt ba ye mane wu, Yésu a ye djiè ane kéza tang mimbu 1 000. Tam té, Yésu ya be 144 000 ba ye djié ya ñe, ba ye vole é boan be-bôt ba ye bo a si va tam té, naa be bera bo kaa nsem. Éyong tam té da ye man, si da ye bera bo mbemba paradis nge ki paraíso, da ye tobe ndzalane ya é bôt be ne mevakh amu ba dzale metsing Jehôva. Éyong té éde Yésu a ye bulane Ésaa wèñ Jehôva Édjié. « Éyôla Jehôva [da ye bo] nfufup. » aval daa be ki tare boban (Matthieu 6:9, 10) Dzam té da ye lere naa Jehôva éñe a dang mbemba Ndjié a bis be-bo bisèñ bèñ. Jehôva a ye fe mane wîñ Satan, bedémon nge ki be demonios ya é bôt besese ba top naa ba bian Édjié dèñ. (Melere 20:7-10) É mbemba bemam ma ye so ya Édjié Nzame ma ye tobe mbèmbèè.

A TUGHA FAS

4. Édjié Nzame da ye man ya bidjié boan be-bôt

« Moan môt a djié éñi mboo akal abé dèñ. » (Ecclésiaste 8:9) Ngalane Édjié dèñ, Jehôva a ye mane kôm mintiè misese mi nga so akal bikoar-koat bi-mam.

A lang Daniel 2:44 ya 2 Bethessalonicien 1:6-8, éyong té mia léé minlang mia daghe minsili mia zu mi :

• Za dzam Jehôva ba é Moan wèñ Yésu, ba ye bo bidjiè bi ya si ya é bôt ba sukh bie asi ?

• Ya é mam ô yeghe-yang ébe Jehôva ya Yésu, amu dzé wa bunu naa mimboan mieba mia ye tobe sôsôe ?

5. Yésu éñe a ne é kéza a yiène

Ane kéza ye Édjié Nzame, Yésu a ye bo mbemba be-mam akal é bôt ba ye ning Édjié Nzame asi. Daghane ÉNGENGENG naa mi yen aval Yésu a nga lere naa a kômô vole boan be-bôt ya fe naa Nzame a ve ñe ngu’u naa a bo do.

ÉNGENGENG : Jesús demostró lo que logrará el Reino nge ki Jésus a montré ce que le Royaume va accomplir (1:13)

É mam Yésu a nga bo éyong a mbe a si va, ma lere é dzam Édjiè Nzame da ye bo. Ébe biborane bia zu bi, mam mevé wa kômô dang yen ma dzalban ? A lang bifus bia zu bi naa ô yen kada éborane ye été.

6. Mbemba éning da zu ngalane Édjié Nzame

ÉNGENGENG : Una ventana a un futuro maravilloso nge ki Un apercu de notre magnifique avenir (4:38)

A lang Bya 145:16, éyong té mia lèè minlang mia daghe nsili wa zu wi :

• Za dzam wa wôran éyong wa simane naa Jehôva a ye « dzale mekômgha môt asese » ?

AKIGHE BES

Édjié Nzame da ye dzale nkômane wèñ. A ye mane venghane si se ngura paradis nge ki paraíso ya dzale si ya é bôt ba ye kang Jehôva mbèmbèè.

Ôbaghle

• Aval avé Édjié Nzame da ye fubu éyôla Jehôva ?

• Amu dzé bi ne bunu naa da ye dzale mengiagh me ne a Bible été ?

• Ébe é mam Édjié Nzame da ye bo, za dzam wa kômô yen avôô ?

Ô NE FE KE DAGHE

Dzé é ne Armagedón.

« ¿Qué es el Armagedón? » nge ki « Qu’est-ce que la bataille d’Armaguédon ? » (Nlô-adzô té ô ne a nden)

Yeneghe é mam ma ye boban é tam Yésu a nga luè naa tam « bitsible binen » (Matthieu 24:21).

« ¿Qué es la gran tribulación? » nge ki « Qu’est-ce que la grande tribulation ? » (Nlô-adzô té ô ne a nden)

Yeneghe aval avé menda me-bôt be ne binane nsama biborane bia ye so ya Édjié Nzame.

« Imagínate en el Paraíso » nge ki « Imagine-toi dans le Paradis » (1:50)

Nlang « me mbe me bele abuiñ minsili » yeghe aval avé é môt a mbe é bo politic nge ki política a nga yen biyalane minsili a mbe é sili.

« La Biblia les cambió la vida » nge ki « La Bible transforme des vies » (La Tour de Garde, 1er Janvier 2012 ; La Atalaya, 1 de enero de 2012)