« A dzame minsem mi nga boban melu mvus »

Nzame a ne dzame minsem mia ému, fave amu ntang Yésu a nga yaane ya mekî mèñ (Beéph. 1:7). Ve, Bible a dzô naa : « Nzame a nga biñ n’nem wèñ naa a dzame minsem mi nga bobane melu mvus », da yili naa, kaa naa Yesu a yaane ntang (Bero. 3:25, atoan). Aval avé Jehôva a mbe dzame minsem kaa naa a yaane ntang, ye tsini naa a tobe é Nzame a ne sôsôe ?

Jehôva a nga kiagh é « mvong » da ye kôre é bôt ba ye lere mebun ébe ñe ye ébe mengiagh mèñ. Éyong a nga bo ngiagh té, a mbe faa ane, a yaaneyang ntang (Atar. 3:15 ; 22:18). Nzame a mbe éé yem naa é tam da yiène, akikh Moan wèñ a ye yebe naa a yaane ntang (Begal. 4:4 ; Behéb. 10:7-10). Éyong a mbe a si va ane é môt a kobe akal Nzame, Yésu a mbe a bele ngu’u ya dzame minsem, kaa naa a ve éning dèñ ntang. Yésu a mbe dzame minsem é bôt ba lere mebun amu a mbe éé yem naa atunegha a nga ye ve, é mbe buru minsem mieba (Mat. 9:2-6).