iMatai ni Samuela
27 Ia e kaya e lomana o Tevita: “Dua na siga ena vakamatei au na liga i Saula. Na ka vinaka ga meu cakava meu dro+ ina nodra vanua na kai Filisitia, ena sega tale ni via vaqarai au o Saula ena vanua kece o Isireli,+ au na bula mai ligana.” 2 E cavutu sara o Tevita kei na 600 na tamata+ era tiko vata kei koya mera lako yani vei Akisi+ na luvei Meoki, na tui Kaca. 3 E tiko ga o Tevita kei Akisi mai Kaca, o koya kei ira na nona tamata, na tamata yadua kei na lewe ni nona vuvale. Erau tomani Tevita na watina, o Einoami+ na yalewa ni Jesirieli, kei Apikali+ na yada nei Nepali na yalewa ni Kameli. 4 Ni tukuni vei Saula ni sa dro i Kaca o Tevita, e sega tale ni vaqarai koya.+
5 E qai kaya vei Akisi o Tevita: “Ke oni nanumi au e matamuni, me soli mada vei au e dua na tikina ena dua na koro e tiko ena lomanivanua meu tiko kina. Na cava me tiko vata kina kei kemuni na nomuni tamata ena koro vakaturaga?” 6 E soli Sikilaki sara vua o Akisi+ ena siga oya. Oya na vuna e nodra kina na tui Juta o Sikilaki me yacova mai na siga qo.
7 Na balavu ni gauna* e tiko kina o Tevita ena nodra lomanivanua na kai Filisitia e dua na yabaki, va na vula.+ 8 E qai lako cake o Tevita kei ira na nona tamata mera ravuti ira na Kesuri,+ o ira na Kiseri, kei ira na Amalekaiti,+ nira tawana tiko na vanua mai Telami me yaco sara i Suri+ qai lako sobu ina vanua o Ijipita. 9 Ni valuta na vanua o Tevita, e sega ni vakabula e dua na tagane se yalewa,+ ia e kauta na qelenisipi, na qelenibulumakau, na asa, na kameli kei na isulu qai lesu vei Akisi. 10 E mani taroga o Akisi: “Dou ravuravu e vei nikua?” E kaya o Tevita: “Keitou ravuravu ena ceva* kei Juta”+ se “Keitou ravuravu ena ceva vei ira na Jiramieli”+ se “Keitou ravuravu ena ceva vei ira na Kenaiti.”+ 11 E sega ni vakabula o Tevita e dua na tagane se yalewa me kauta i Kaca, e kaya, “Mera kua ni tukuni keda vei ira, nira kaya, ‘Qo na ka e cakava o Tevita.’” (Qo na ka e dau cakava o koya ena gauna taucoko e tiko kina ena nodra lomanivanua na kai Filisitia.) 12 E mani vakabauti Tevita o Akisi, e kaya e lomana: ‘E vakaboicataki koya ga vei ira na nona tamata na Isireli, ena noqu tamata tiko ga o koya.’