Na Ukutaki ni Vunipaini ni Yabaki Vou​—E iValavala Beka Vakarusia? E iValavala Beka ni Lotu Vakarisito?

“ENA yabaki 1830 vakacaca, e dau raici tu na ukutaki ni vunipaini ni yabaki vou ‘me ivalavala taleitaki e vu mai Jamani.’ Ni oti tale e tini na yabaki, sa mai ‘ciqomi tale ga na ivalavala’ oya ena nodra veivale na vetaicake e St. Petersburg. . . . Ena vo ni ika19 ni senitiuri, o ira ga na iliuliu ni lotu kei ira na tauvanua era sega ni ciqoma na ivalavala ni kena ukutaki na vunipaini ena nodra vale. . . .

“Ni se bera na ika19 ni senitiuri, e sega ni dau taleitaki . . . na vunipaini. Vei ira e Rusia e nanumi ni vunipaini e ivakatakarakara ni mate qai sema ‘ina vuravura ni yalo.’ E nodra ivalavala tale ga mera ukutaka na nodra dela ni valenigunu ena vunipaini. E duidui sara na nodra rai me baleta na vunikau oqo, kei na rai e basika ena loma ni veiyabaki ni ika19 ni senitiuri. . . . E sega ni vakabekataki ni gauna sa tekivu me ciqomi kina na ivalavala ni kena ukutaki na vale ena vunipaini, e ciqomi tale ga ni ivalavala vou oqo e tautauvata vinaka kei na vunikau ni Kirisimasi e dau vakayagataki ena veivanua vakaurope ena gauna ni Kirisimasi. . . .

“A sega ni ciqomi raraba e Rusia me sa ivalavala ni lotu Vakarisito na ukutaki ni vunipaini ni yabaki vou. Era saqata vakaukaua na lotu Orthodox. O ira na iliuliu ni lotu era raica ni soqo ni marau vou oqo e vakavotui kina na ‘ivalavala vakatevoro,’ na ivalavala ni lotu butobuto. E sega tale ga ni vauci kina e dua na ka me baleta na sucu ni iVakabula, qai kena ikuri, oqo e dua na ivalavala e taka mai na veivanua vakaurope.”​—Parofesa Yelena V. Dushechkina, na doketa ni vuku ena St. Petersburg State University.

[iTaba ni Credit Line ena tabana e 32]

Photograph: Nikolai Rakhmanov