Vakayagataka na iVola Qarava na Kalou ni O Veivakavulici

Na ivola Qarava na Kalou Dina e vakarautaki mera vukei kina na ka vou mera toso vakayalo, mera kilai Jiova cake tale ga kina vakavinaka kei na nona isoqosoqo. E rawa ni ikarua ni ivola oqo meda vulica kei koya eda vuli iVolatabu vata. E kaya na Noda Cakacaka Vakaitalatala ni June 2000, ena tabana e 4: “Ke laurai ni sa toso tiko o gonevuli, dina ga ni berabera, ia e sa vakaraitaka tiko na nona taleitaka na ka e vulica, tomana na vuli iVolatabu ena ikarua ni ivola ni o sa vakacavara na brochure na Loma ni Kalou kei na ivola na Kila. . . . Ena ituvaki kece oqo, me na vulici ga kina e liu na brochure na Loma ni Kalou kei na ivola na Kila. Na vuli iVolatabu, veisikovi lesu, kei na gauna e vakayagataki ena kena tosoi tale na vuli e dodonu me wiliki, me ripotetaki, veitalia ke sa mani papitaiso o gonevuli ni se bera ni vakacavari na ikarua ni ivola.”

O cei tale ena yaga me vulica na ivola Qarava na Kalou? Na ivakamacala vata ga oya e kaya: “Ke o kila e so era a vulica ena dua na gauna sa oti na ivola na Loma ni Kalou kei na Kila ia era sega ni toso mera yalayala se papitaiso, o na via sikovi ira beka, de dua era na via vuli iVolatabu tale.” Meda saga mada ga ena vula o Maji kei na Epereli meda tekivutaka kei ira vaka oya na vuli ena ivola Qarava na Kalou.