NODA BULA VAKARISITO
Marautaka Nomu iNuinui
Na inuinui e vaka na ikelekele. (Ipe 6:19) E vukei keda meda kua ni voca vakayalo ni sotavi na veika dredre. (1Tm 1:18, 19) Era okati ena veika dredre qori na noda dau rarawataka eso na ka, kau tani na noda iyau se ka eda taukena, tauvimate vakadede, mate e dua eda dau lomana, se ni vakaleqai noda yalodina.
E vukei keda noda vakabauta kei na inuinui me dei tiko ga noda raica na icocovi e yalataki. (2Ko 4:16-18; Ipe 11:13, 26, 27) Se mani noda inuinui na bula e lomalagi se vuravura, meda dei tiko ga kina ena noda dau vakananuma vakatitobu na yalayala ena Vosa ni Kalou. Nida sotava na veika dredre ena rawarawa sara noda marau tiko ga.—1Pi 1:6, 7.
MO SARAVA NA VIDIO MARAUTAKA NOMU INUINUI, QAI SAUMA NA TARO QO:
Na cava e ivakaraitaki vinaka kina o Mosese meda vakatotomuria?
Na cava nodra itavi na ulunivuvale?
Na cava e rawa ni veivosakitaki ena Sokalou Vakavuvale?
Ena vukei iko vakacava na inuinui mo nuidei tiko ga ni o sotava na veika dredre?
Na cava o rai vakanamata kina?