Vakayagataka na iVola Marau me Tawamudu! me Dei Nomu Vakabauti Jiova kei Jisu

Me rawa nira vakamarautaka na Kalou na vuli iVolatabu, e bibi me dei na nodra vakabauta. (Ipe 11:6) Eda na vukei ira mera cakava qori nida vakayagataka na ivola Marau me Tawamudu! E tiko kina eso na tikinivolatabu bibi, ivakamacala matata, taro e yaga, vidio veiuqeti, kei na iyaloyalo totoka. Nida vukei ira na vuli iVolatabu mera bucina na itovo vaKarisito, mera veivolekati kei na Kalou, eda sa vakayagataka tiko na iyaya e sega ni kama rawarawa.—1Ko 3:12-15.

Eso e dredre mera vakabauta ni rawa nira veitokani kei na Kalou nira sega ni raici koya. E vinakati gona meda vukei ira mera kilai Jiova, mera vakabauti koya tale ga.

SARAVA NA VIDIO VAQAQACOTAKA NOMU VAKABAUTI JIOVA ENA IVOLA “MARAU ME TAWAMUDU!” QAI SAUMA NA TARO QO:

• Eda kila vakacava ni vakavakarau vinaka ena vuli na tacida yalewa?

• E vakayagataka vakacava eso tale na taro me rawa ni vakamacalataka o gonevuli na nona rai me baleta na Aisea 41:10, 13?

• E yaga vakacava na vidio kei na tikinivolatabu vua na gonevuli?

Levu e sega ni matata vei ira na ivoli, se ra okata qori me iloloma ni Kalou vei ira. (Kal 2:20) E vinakati gona meda vukei ira mera vakabauta na isoro ni veivoli i Jisu.

SARAVA NA VIDIO VAQAQACOTAKA NOMU VAKABAUTI JISU ENA IVOLA “MARAU ME TAWAMUDU!” QAI SAUMA NA TARO QO:

• Eda kila vakacava ni vakavakarau vinaka ena vuli na tacida tagane?

• E vakamacalataka vakacava na ka e tiko ena “iKuri” me uqeti gonevuli?

• Na cava e bibi kina meda masulaki gonevuli?