Raica Dei na iCovi!

1. Mataboko ra sa na rai,

Na didivara rogo mai.

Dravuisiga se ka beta,

Wai makare drodro kina.

Lokiloki ra na lako,

Veibiu sega na kena o.

O na raica veika qori,

Ke o raica dei na icovi.

2. Era na vosa na galu,

Qase ra sa na gone tu.

Vuravura sa na sautu,

Veika vinaka ta’mudu.

Sere ni gone voqa mai,

Marau na cegu vakilai.

Mate na raici ni duri,

Ke o raica dei na icovi.

3. Oliva, lami rau kana,

Bulumakau kei na bea,

Gonelailai tui ira ga,

Ra na muria nona vosa.

Tagi sa na oti yani,

Rere rarawa takali.

Jiova na solia ka qori,

Ke o raica dei na icovi.