Na Cava o Nanuma me Baleta na iVolatabu?
O nanuma ni . . .
ivola ni vuku vakatamata?
italanoa buli kei na itukuni?
Vosa ni Kalou?
KA E KAYA NA IVOLATABU
“E vakavuna na Kalou na iVolatabu kece.”—2 Timoci 3:16, Vakadewa ni Vuravura Vou.
KENA YAGA VEI IKO
Sauma na taro bibi eda dau vakataroga.—Vosa Vakaibalebale 2:1-5.
E idusidusi nuitaki ena noda bula.—Same 119:105.
Rawati kina na inuinui.—Roma 15:4.
EDA RAWA NI VAKABAUTA NA KA E KAYA NA IVOLATABU?
Io, qo e tolu na vuna:
Sega ni veisaqasaqa. E 1,600 vakacaca na yabaki na nodra vola na iVolatabu e rauta ni le 40 na tagane. Levu vei ira era se sega ni sota vakadua. Ia e sega ni veisaqasaqa na ka kece e tukuni kina, ni dua ga na kena usutu!
Sega ni wereubiubi. Dau matau vei ira na daunitukutuku makawa mera ubia nodra druka na nodra tamata. E duatani o ira na vola na iVolatabu, nira vola sara ga na nodra malumalumu kei na malumalumu ni nodra matanitu.—2 Veigauna 36:15, 16; Same 51:1-4.
Nuitaki na kena parofisai. Sa tukuna makawa tu na iVolatabu ni na vakarusai na koro o Papiloni ni se vo tu e 200 na yabaki. (Aisea 13:17-22) E vakamacalataka na sala ena ravuti kina qai cavuta sara ga na yaca i koya ena ravuravu!—Aisea 45:1-3.
E levu tale na parofisai e cavuti ena iVolatabu era vakayacori kece vakamatailalai. Qori ga na ka eda namaka ena Vosa ni Kalou!—2 Pita 1:21.
VAKASAMATAKA MADA
Ena yaga vakacava vei iko na Vosa ni Kalou?
E sauma na iVolatabu ena AISEA 48:17, 18 kei na 2 TIMOCI 3:16, 17.