Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w01 7/1 t. 3-4
  • Na Sala Mo Kila Kina na iVolatabu

Sega na kena vidio.

Vosota, sega ni laurai rawa na vidio.

  • Na Sala Mo Kila Kina na iVolatabu
  • Na Vale ni Vakatawa Kacivaka na Matanitu i Jiova—2001
  • iKuri ni Ulutaga
  • O Bau Kila?
    Na Vale ni Vakatawa Kacivaka na Matanitu i Jiova (Vulici)—2024
  • Tukuna “na iTukutuku Vinaka me Baleti Jisu”
    “Vunautaka Sara Vakavinaka” na Matanitu ni Kalou
  • Ka Mo Cakava Mo Papitaiso Kina
    Na Vale ni Vakatawa Kacivaka na Matanitu i Jiova (Vulici)—2023
  • “Au sa Rawata Vakaevei, Kevaka sa Sega e Dua me Tuberi Au?”
    Noda Cakacaka Vakaitalatala—2000
Raica Tale Eso
Na Vale ni Vakatawa Kacivaka na Matanitu i Jiova—2001
w01 7/1 t. 3-4

Na Sala Mo Kila Kina na iVolatabu

E DUATANI sara na iVolatabu. Era kaya na vola ni uqeti ira na Kalou, kei na lewe sara ga ni ivola e vakadinadinataka oqo. (2 Timoci 3:​16) Oqo e so na ka e vakaraitaka na iVolatabu, na vanua eda vu mai kina, na vuna eda mai tu kina i ke, kei na vanua eda lako tiko kina. E dua na ivola e yaga meda vakadikeva!

Rairai o sa wilika beka na iVolatabu, ia e dredre mo kila. O sega beka ni kila na vanua mo kunea kina na isau ni nomu taro e so. Ia, e sega ni o iko duadua ga. Na ka vata tale ga oqori a yaco vua e dua na turaga a bula ena imatai ni senitiuri. A vodo tiko ena qiqi ena nona biubiu mai Jerusalemi me lesu tale i nona vanua, e Iciopea. A wilika tiko vakadomoilevu na vakailesilesi ni Iciopea oqo na iVolatabu, mai na ivola vakaparofisai i Aisea, se volai ena 700 vakacaca na yabaki e liu.

Vakasauri nona vosa yani vua e dua na turaga e cici toka ena yasa ni qiqi. Na yaca ni turaga oqo o Filipi, e dua na tisaipeli i Jisu, a taroga na kai Iciopea: “O sa kila na ka ko sa wilika, se segai?” Sauma na kai Iciopea: “Au sa rawata vakaevei, kevaka sa sega e dua me tuberi au?” A sureti Filipi me vodo ena qiqi. Sa tekivu me vakamacalataka vua o Filipi na ibalebale ni tikinivolatabu a wilika tiko, qai “vunautaki Jisu vua.”​—⁠Cakacaka 8:​30-​35.

O ira tale ga na iVakadinadina i Jiova edaidai era vukei ira na tamata mera kila na Vosa ni Kalou, me vaka ga nona vukea o Filipi na kai Iciopea ena gauna makawa. Era na marautaka tale ga mera vukei iko. E vinaka me vulici vakalalai na iVolatabu, me vulici taumada e so na yavu lelevu. (Iperiu 6:⁠1) Ni sa toso nomu vuli, sa qai rawa ni o vulica na ka e vakatoka na yapositolo o Paula me “kakana dina,” oya na ka titobu vakayalo. (Iperiu 5:​14) E tu tale ga e so na ivola ivukevuke ni kena vulici na iVolatabu, me vakarawarawataka qai vakamatatataka na veiulutaga kei na veitikinivolatabu.

E rawa ni o vulica na iVolatabu ena vanua o vinakata kei na gauna e ganiti iko. So mada ga era vuli iVolatabu ena talevoni. E sega na kena kalasi me vaka na vuli e koronivuli; e tuvanaki sara ga me baleti iko, e okati kina na kemu ituvaki kei na ivakatagedegede ni nomu vuli. O na sega ni sauma nomu vuli iVolatabu. (Maciu 10:⁠8) Ena sega na veitarogi, ena sega ni caka na ka mo madua kina. Ena saumi kina na taro o dau vakataroga tu, o na vulica tale ga na sala mo toro voleka kina vua na Kalou. Na cava gona na vuna mo vulica kina na iVolatabu? Oqo e vica na vuna ena rawa ni vakalevutaka nomu marau ni o vulica na iVolatabu.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta