Me Yaga Tiko ga Vei Iko Na Vale ni Vakatawa kei na Yadra!
Ni sa sega ni qai vakaikeretaki ena gauna oqo Na Vale ni Vakatawa kei na Yadra!, sa macala ga ni na gadrevi meda qarauna vinaka sara me kua nida na calata, se o ira eda vunau vei ira, na kedrau itabataba vovou yadua.
Noda iLavelave Yadua: Ke o dau vakaikere ia sa yacova na iotioti ni kena itabataba, yalovinaka mo vakalevutaka ga na nomu ota ni ivoladraudrau. Vei kemuni na itubutubu, me veirauti na ivoladraudrau oni otataka me rawa nira yadua kece na ilavelave na lewenivuvale. De vinaka meda dau vola na yacada ena noda dui ilavelave me kua nida lai solia cala kina ena cakacaka vakavunau. Ni yaco ga mai na ikaukau ivoladraudrau, e kerei na tacida e dau qarava me kua ni bera na nona dolava, qai vakarautaka me tu ena Kingdom Hall na itabataba yadua.
Yalava ni Soli iVoladraudrau: Meda tovolea na dautukutuku kece meda vakayalava ni ivoladraudrau (magazine route), meda kauta kina vei ira na tataleitaki na itabataba yadua. Nida lai solia vakadodonu i ligadra na ivoladraudrau, ena dolava tale ga na sala meda bucina kina na nodra tataleitaki, ra vuli iVolatabu sara.—Raica na Noda Cakacaka Vakaitalatala ni Matanitu, Okotova 1998, taqana 8.
O Ira e Rawa Mera Vakaikeretaki: E tiko e dua na duidui, oya vua e tataleitaki dina, ia e tiko ena vanua ribayawa, qai sega kina na dautukutuku. Sa rawa me dua na nona ikere, me taura rawa kina na ivoladraudrau. E rawa tale ga ni vakaikeretaki e dua ena yalava ni cakacaka ni noda ivavakoso e taleitaka dina me dau wilika na ivoladraudrau, ia e tiko na vuna vinaka e sega ni rawa ni qaravi kina ena yalava ni ivoladraudrau. Ena vinakati mo veivosakitaka taumada kei iratou na Komiti ni Cakacaka ni iVavakoso. Ke ratou vakadonuya sa rawa ni o vakaikeretaki koya na tataleitaki oya. Me vakayagataki ga na fomu ni vakaikere (M-1 kei na M-101).
E dei na lomada ni o Jiova ena vakalougatataka tiko ga na noda sasaga meda kacivaka na Matanitu ni Kalou nida vakayagataka Na Vale ni Vakatawa kei na Yadra!