Uqeti Keda na Soqo ni Tikina Meda Lako Vata kei na Kalou
A cauraki ena Soqo ni Tikina “Lako Vata kei na Kalou” na ivakasala matata i Jiova: “Oqo na sala, dou mai lako tu ga kina”! (Aisea 30:21) Nida muria na ivakasala oya, eda na ‘qarauna matua kina na noda ivalavala.’ (Efeso 5:15, VV) Noda vakananuma na ka eda vulica ena vukei keda ‘meda muria tiko ga na dina.’—3 Joni 3.
Vakayagataka na veitaro oqo kei na veika o a vakavola, mo vakavakarau kina qai vakaitavi tale ga ena kena railesuvi na porokaramu ni Soqo ni Tikina ni yabaki oqo. Ena veivosakitaki ena Soqoni ni Cakacaka ena macawa ni 18 Okotova.
1. E rawa vakacava vei Inoki me lako vata kei na Kalou dina ga ni bula voli ena gauna veilecayaki? (Iper. 11:1, 5, 6; Juta 14, 15; “Lako Vata kei na Kalou ena Gauna Veilecayaki Oqo”)
2. Na basoga ni noda bula cava ena yaga kina na ivakavuvuli ena Luke 16:10? (“O Dau ‘Dina e na Ka Lailai’?”)
3. (a) Tukuna e va na lesoni yaga ena Osea wase 6 ina 9, ena vukea meda lako vata kei na Kalou. (Osea 6:6, 7; 7:14; 8:7) (b) Tikina cava tale ena Osea wase 10 ina 14 ena vukea meda lako vata kei na Kalou? (“Vukei Keda na Parofisai i Osea Meda Lako Vata kei na Kalou”—Vosa Veitaravi)
4. Na ivakasala yaga cava mera muria na tagane kei na yalewa vakawati lotu Vakarisito me dei tiko kina nodra vakawati? (Vkai. 12:4; Efeso 5:29; “Kua ni Tawasea Rua ‘na Ka sa Vauca Vata na Kalou’ ”)
5. Eda vakaraitaka vakacava na noda doka na noda soqoni? (Dauv. 5:1; Aisea 66:23; “Meda Doka na Noda Soqoni Baleta ni Ka Tabu”)
6. (a) Na cava e tolu na ka bibi meda dikeva ena noda cakacaka vakavunau meda solia tiko ga kina noda vinaka kece? (Aisea 52:7; Saka. 8:23; Mari. 6:34) (b) Na cava o taleitaka ena ivola Good News for People of All Nations, o kila ena yaga vei iko? (“iTukutuku Vinaka me Rogoca na Lewe ni Veivanua Kece”; “Vukei Ira Era Vosataka na Vosa Tani”)
7. Eda na vukei ira vakacava na ka vovou mera yalodei ni tukuna na itukutuku ni Matanitu? (Dvei. 7:17; “Vukei Ira na Lewe ni Veivanua Kece ga Mera Tomani Keda ena Cakacaka Vakavunau”)
8. Eda na vakaraitaka vakacava nida vakabauta dina ni “sa voleka mai na siga i Jiova na siga ka uasivi”? (Sefa. 1:14; “Lako ena Vakabauta, Sega ena Raica”)
9. (a) E cala bibi vakacava na veivakatarabetaki? (Marika 9:42-48) (b) E rawa vakacava meda sega ni tarabe? (Same 119:165) (c) E rawa vakacava meda kua ni veivakatarabetaki? (1 Kor. 10:24; “Qarauna na Ka e Rawa ni ‘Veivakatarabetaki’ ”)
10. Eda na vakaraitaka vakacava noda yalomatua nida qara na keda isa, noda saga meda bulabula vinaka vakayago, kei na noda caka bisinisi? (Same 26:4; Maciu 6:25; 1 Tim. 6:9; “Dou Yalomatua”)
11. (a) Na cava e kilai ni dau cakava o Jisu ena gauna e dau marautaka tiko kina nodra veisureti e so? (Luke 10:42; 24:32) (b) Eda na marautaka vakacava kei ira e so tale na ka ni marau e veivakabulabulataki eda dau gadreva? (1 Kor. 10:31-33; “Ka ni Marau e Veivakabulabulataki”)
12. Me salavata kei na Same 23, na veivakalougatataki cava eda na sotava ke da okati meda sipi i Jiova? Na cava e noda itavi? (1 Kor. 10:21; “E Noda iVakatawa o Jiova”)
13. Era muria vakacava na lotu Vakarisito na ivakasala vakaivolatabu me baleta na ‘voli ni gauna’? (Efeso 5:16; “Volia na Gauna”)
14. (a) Na cava e okati ena ‘yaco mai ni gauna’ e tukuni tiko ena Vakatakila 14:7? (b) Eda vakaraitaka vakacava nida sa tawasei keda sara ga vakadua mai vei Papiloni na Ka Levu? (“ ‘Yadra Tiko’—Sa Yaco Mai na Gauna”) (c) Na cava o taleitaka ena brochure Yadra Tiko!?
15. Tukuna e tolu na ka e gadrevi meda kua kina ni ‘biuta na sala dodonu.’ (2 Pita 2:15; “Qarauna Meda Kua ni ‘Biuta na Sala Dodonu’ ”)
16. Cava mera cakava na itabagone mera ‘kua kina ni muria na nodra sala na ivalavala ca’? (Vkai. 4:14; “Ra iTabagone—Ni Muria Tiko ga na Sala ni Yalododonu”)
17. (a) E ivakaraitaki vinaka vakacava o Paula ena vosota? (Caka. 14:19, 20; 16:25-33) (b) Na cava meda kua kina ni rerevaki ira na dautusaqata na sokalou dina? (Drama kei na vunau “Gumatua ni Vunautaka na iTukutuku Vinaka, Kua ni Kauaitaka na Veivakacacani”)
18. Era na vakalougatataki vakacava o ira na lako vata kei na Kalou? (“Eda na Vakalougatataki ena Gauna Oqo me Tawamudu ke Da Lako Vata Tiko ga kei na Kalou”)
Meda vakadeitaka mada ga meda rogoca ‘na vosa mai dakuda,’ meda lako vata kina kei na Tamada vakalomalagi me tawamudu.—Aisea 30:21; Joni 3:36.