Ka Mo Kaya me Baleta na iVoladraudrau

Na Vale ni Vakatawa 15 Me

“Na cava nomuni nanuma, oni na taleitaka beka na bula ena ituvaki e vakamacalataki ena tikinivolatabu oqo? [Wilika na 2 Pita 3:​13. Waraka me sauma.] E vakamacalataki ena ivoladraudrau oqo na ibalebale ni lomalagi vou kei na vuravura vou. E vakamacalataka tale ga ni na veisau me vinaka na bula e vuravura ena gauna sa na vakayacora kina na Kalou na nona inaki.”

Yadra! Epe.-June

“Levu era saga mera kunea na marau dina, ia e lailai wale sara era kunea. Cava nomuni nanuma, ena veivuke beka e dua vei ira na sala oqo me kunei kina na marau dina? [Vakaraitaka na kato ena tabana 9. Wilika e dua na tikinivolatabu e tabaki koto kina.] E vakamacalataki ena ilavelave ni Yadra! oqo na idusidusi vakaivolatabu ena rawati kina na marau dina.”

Na Vale ni Vakatawa 1 June

“Ena dua na gauna era dau dokai na sa qase ena levu na vanua, me vaka e laurai ena lawa oqo a soli vei Mosese. [Wilika na Vunau ni Soro 19:32.] Vakacava nikua, era se dokai tiko ga na sa qase? [Waraka me sauma.] Na ivoladraudrau oqo e vakamacalataka na nona kauaitaki ira na sa qase na Kalou, kei na sala meda cakava tale ga vaka kina.”