Veisureti Lavotaki ina iVakananumi!

1. Na cava eda na veisoliyaka na dautukutuku ni Matanitu e vuravura taucoko me tekivu ena 21 Maji, 2009, cava na vuna?

¹ Ena Lotulevu, 9 Epereli, 2009, eda na vakananuma na tamata i Jiova e vuravura raraba na ivakaraitaki uasivi duadua ni nona lomani keda. (Roma 5:​6-8) Eda nuitaka nira na mai vakananuma vata kei keda na mate i Jisu na vica vata na milioni na tataleitaki. Ena tekivu veisoliyaki e vuravura taucoko na ivola ni veisureti ni iVakananumi ena ika21 ni Maji.

2. Na cava me nanumi nida solia na ivola ni veisureti?

² Me Nanumi: Meda vakayagataka vinaka na iyaloyalo, taro, kei na tikinivolatabu sega ni lavetaki e tiko ena ivola ni veisureti. Kena ivakaraitaki, o na rairai vakaraitaka na iyaloyalo ena tabana eliu qai kaya: “Au vinakata sara ga meu sureti kemuni moni mai vakananuma kei keimami na mate i Karisito ena Lotulevu, 9 Epereli, 2009.” Vakaraitaka na ulutaga kei na taro ena ivola ni veisureti. Mo vakabibitaka vei taukeinivale ni rawa ni ratou lako kece mai vakavuvale, rawa ni sureti ira tale ga eso.

3. Na cava mo cakava vei ira o sa sureta oti?

³ Ke levu na yalava ni ivavakoso, de dua e ratou na tukuna vei iko na qase ni ivavakoso mo biuta na ivola ni veisureti ena vale e lala. Ena muanimacawa, me soli na mekesini kei na ivola ni veisureti. Kua ni guileca mo sureti ira nomu veisikovi lesu, vuli iVolatabu, ira na wekamu, nomu itokani e koronivuli, itokani vakacakacaka, o ira ni tiko veitikivi kei ira eso tale nomu veikilai. Ena yabaki sa oti, e dua na tacida yalewa a sureta e le 30 na wekana, qai lesu tale me tokaruataka vei ira na bibi ni soqo. Sa dua na ka nona marau nira tiko ena soqo e le 25, e 4 vei ira qori e ratou via vulica na iVolatabu!

4. Na cava meda lalawataka qo, cava na vuna?

⁴ Lalawa Rawa Qo: De dua e levu na dautukutuku e rawa nira vakalevutaka nodra cakacaka vakaitalatala ena vula o Maji kei na Epereli. Ke o vakaluveni se tiko nomu vuli iVolatabu era toso vinaka vakayalo, qo e gauna vinaka mera dautukutuku kina. Mo tekivu lalawa sara ga qo, mo rawa ni vakaitavi vakalevu ena veisureti ina ivakananumi ni rua na ivakaraitaki uasivi duadua ni loloma.​​—⁠Joni 3:​16; 15:⁠13.