Ka mo Kaya me Baleta na Mekesini
Na Vale ni Vakatawa 1 Julai
“Levu era rairai sega ni kila na ka mera tukuna vua na nodra itokani e tauvimate bibi. Na cava mada nomuni nanuma ena ivakasala qo? [Wilika Jemesa 1:19. Waraka me sauma.] E vica na vakatutu yaga e yavutaki ena ivakavuvuli vakaivolatabu e tiko ena ulutaga qo.” Vakamacalataka na ulutaga e tekivu ena tabana e 10.
Yadra! Julai-Seviteba
“E vakavu nuiqawaqawa dina na bula vakailavo nikua. Era lomaocaoca o ira era sa sega ni cakacaka, o ira tale ga na cakacaka era lomaleqa de ra na vakacegui. Oni nanuma ni na yaga vei keda na ivakasala qo? [Wilika Maciu 6:34. Waraka me sauma.] E tiko ena mekesini qo eso na vakatutu yaga meda rawa ni lewa vakamatau kina na noda ilavo kei na veika eda vinakata.