Vakatutu

Me Tauyavu Kina na Vuli iVolatabu ena iMatai ni Vakarauwai ena Me

“Dua na ka eda tautauvata kina, oya nida dau cala kece. O bau vakasamataka se rawa ni vosoti keda na Kalou ke da cakava mada ga eso na ka vakadomobula?” [Waraka me sauma.] Vakaraitaka na ulutaga ena tabana e 15 ni Vale ni Vakatawa 1 Me, qai veivosakitaka na imatai ni taro kei na dua na tikinivolatabu e sega ni lavetaki. Solia na mekesini, qai tuvanaka mo lesuvi koya mo drau veivosakitaka na taro tarava.

Na Vale ni Vakatawa 1 Me

“Au via wilika vei kemuni e dua na tikinivolatabu. [Wilika 1 Joni 4:8.] E levu era duavata ena vosa qori, ia era nanuma eso tale ni sega ni dauloloma na Kalou baleta e vakavuna se vakalaiva me yaco na leqa tubukoso. Na cava mada na nomuni rai ena vakasama ya? [Waraka me sauma.] E vakamacalataki ena mekesini qo eso na vuna vinaka meda kua ni nanuma cala kina ni tawaloloma na Kalou.”

Yadra! Me

“Keimami veitalanoataka tiko mai kei ira ena yasayasa qo e dua na leqa e dau vakavurarawa​—na basulawa. Eso era nanuma ni na sega ni levu na basulawa ke levu tale na ovisa. Na cava mada na nomuni rai ena tikina ya? [Waraka me sauma.] Oni bau kila ni yalataki tu ena iVolatabu ni na muduki na basulawa? [Wilika Same 37:10, 11.] E vakamacalataki ena mekesini qo na yalayala qori, kei na so na vakatutu yaga ena sala meda taqomaki keda kina mai na basulawa.”