Vakatutu

Me Tauyavu Kina na Vuli iVolatabu ena iMatai ni Vakarauwai ena June

“Levu vei ira keimami veitalanoa vata mai era vinakata na bula sautu e vuravura. Ia e se yaco ga na ivalu. Cava mada nomuni nanuma, na cava e vakadredretaka na bula sautu?” Waraka me sauma. Oti vakaraitaka sara na iotioti ni tabana ni Vale ni Vakatawa ni 1 June, qai veivosakitaka na imatai ni taro kei na dua na tikinivolatabu e sega ni lavetaki. Solia na mekesini, qai tuvanaka na siga mo lesuvi koya kina mo drau veivosakitaka na taro tarava.

Me nanumi: Na vakatutu qo me vakatasuasuataki ena soqoni ni cakacaka vakavunau ena 1 June.

Na Vale ni Vakatawa 1 June

“Keimami veivosakitaka tiko mai ena yasayasa qo e dua na leqa e takalevu tu nikua. E levu era sa sotava se ra vakadinadinataka ena nodra bula na veivakaduiduitaki. O vakabauta ni tiko e dua na vanua ena vuravura qo e sega kina na veivakaduiduitaki? [Waraka me sauma.] Raica mada na nona rai na Kalou me baleti keda na kawatamata. [Wilika Cakacaka 10:34.] E vakamacalataki ena mekesini qo na sala ena vakaotia kina vakadua na Kalou na veivakaduiduitaki.”

Yadra! June

“E kena ivakarau ga meda vinakata na bula e vinaka duadua. Vakacava o nanuma ni na rawati oya ke da volia vakalevu na iyau? [Waraka me sauma.] Raica mada na tikina bibi e tukuna eke o Jisu. [Wilika Luke 12:15.] E vakaraitaka na mekesini qo na rai donu me baleta na taukeni ni iyau kei na ka eda rawa ni cakava meda lewa vinaka kina na noda volivoli.”