Vidio Vou me Tekivu Kina na Vuli iVolatabu

Era sa sarava e levu na vidio lekaleka ena jw.org e vakatokai Why Study the Bible? (Na Cava mo Vulica Kina na iVolatabu?) E inaki ni vidio qori me uqeti ira na tataleitaki mera vulica wale na iVolatabu. E rawa nira cakava qori nira tabaka na vanua e volai kina “Request a Bible Study” e tiko e ra, se nira vakayagataka na nodra mobail me wilika (se scan) na QR (quick response) code e tabaki ena daku ni tikidua vou eda veisoliyaka tiko. Qo eso na sala eda na vakayagataka vinaka kina na vidio qo.

• Nida veisikovi lesu, meda tarogi itaukeinivale: “E rawa niu vakaraitaka vei kemuni e dua na vidio lekaleka e vakaraitaka na sala mo kunea kina na isau vakaivolatabu ni nomu taro?” Ke vakadonuya, vakaraitaka vua na vidio ena nomu talevoni se nona kompiuta.

• Ke da vunau tawalokuci da qai solia e dua na tikidua vou, vakaraitaka vua na kena QR code e toka ena daku ni tikidua qori qai uqeti koya me vakayagataka nona talevoni me wilika na code qori. Ena so na vosa, na QR code e rawa ni kauti iko vakadodonu ina vanua e tiko kina na vidio ena noda site, ena rawa gona ni o vakaraitaka vua na vidio ena gauna sara ga drau veitalanoa tiko kina.

• Vakaraitaka qai vakamacalataka na vidio vei ira oni cakacaka vata, oni vuli vata, ira na wekamu, kei na so tale. Se mo vakayagataka na nomu imeli mo vakauta vua na itukutuku ni vanua ena kunei kina na vidio qo, qai sureti ira mera qai sarava ga vakataki ira.

Nida vakayagataka vinaka na isolisoli vou qo, eda na rawa ni tekivuna e levu tale na vulivolatabu, da qai vukei ira vakayalo na ‘yalomalumalumu era via muria na sala ina bula tawamudu.’—Caka. 13:48.