Meda Maqosa Tiko ga ena Cakacaka Vakaitalatala​—Vakarautaka Noda iKaunivosa

Vuna e Bibi Kina: Ke sega ni veiuqeti noda ikaunivosa, ena rawa ni tinia na itaukeinivale na veivosaki ni bera mada ga nida vunau. Levu gona na dautukutuku era raica ni bibi duadua na itekitekivu ni nodra ivakamacala. Sa dau tabaki ena Noda Cakacaka Vakaitalatala kei na ivola na Reasoning eso na vakatutu ni ikaunivosa, ia e sega ni tiko kece kina na ivakamacala me rawa ni ganita na ituvaki eda sotava. Ke tiko kece mada ga na ivakamacala, ena vakatau vei ira na dautukutuku mera muria se mera vakarautaka ga nodra ivakamacala. Koya gona, ena laulau noda vunau ke da vakarautaka vinaka na itekitekivu ni noda ivakamacala, eda na sega ni tukuna ga na ka e lako mai noda vakasama ni dolava na katuba na itaukeinivale.—Vkai. 15:28.