Vakatutu

Me Tauyavu Kina na Vuli iVolatabu ena iMatai ni Vakarauwai ena Noveba

“Yalovinaka raica mada na taro qo. [Wilika sara na imatai ni taro ena iotioti ni tabana ni Vale ni Vakatawa ni 1 Noveba.] Cava oni nanuma? [Wilika na rua na parakaravu e tiko ena ruku ni taro qori qai wilika e dua na tikinivolatabu.] Vakacava au rawa ni lesuvi kemuni tale mai me daru veivosakitaka na vuna e vakaturi ira kina na mate o Jisu kei na kena yaga vei keda?”

Na Vale ni Vakatawa 1 Noveba

“O bau vakasamataka tu se cava sa rui levu kina na veika vakadomobula e vuravura? [Waraka me sauma.] Na iVolatabu e vakamacalataka na vuna, e tiko ena Vakatakila 12:9. [Wilika.] Ia e veivakacegui na veika e tukuni ena tikina e 12. [Wilika Vakatakila 12:12.] Sa voleka ni oti na veivakacalai i Setani. Ena ulutaga qo ‘Meda Rerevaki Setani?’ e vakamacalataki kina na sala eda rawa ni taqomaki keda mai na nona veivakacalai nikua kei na ka ena yacovi koya ena gauna se bera mai. Qo e nomuni.”

Yadra! Noveba

“Eda vinakata kece meda marau, ia e levu nikua era sega ni kunea rawa qori. Na cava oni nanuma, ena rawati vakacava na marau dina? [Waraka me sauma.] Au raica ni yaga na iVolatabu ena kena rawati na bula marau. Kena ivakaraitaki, dikeva mada na ivakavuvuli ena tikinivolatabu qo. [Wilika Iperiu 13:5.] E vakamacalataki ena mekesini qo e va na ivakavuvuli vakaivolatabu me rawati kina na marau dina.”