Vakayagataka na Noda Web Site ena Cakacaka Vakaitalatala—“Bible Questions Answered”

Ena iwasewase ni jw.org e vakatokai me “Bible Teachings” e tiko kina na ulutaga “Bible Questions Answered.” Ke da kila vinaka na ka e dau tarogi vakalevu qori, eda rawa ni tukuna vei ira na itaukeinivale mera raica e kea na isau vakaivolatabu ni nodra vakatataro. Na taro qori e rawa ni tekivutaki kina na veivosaki ena cakacaka vakaitalatala. Rawa nida vakayagataka e dua na taro era kauai kina ena noda yalava, taroga na nona rai o itaukeinivale, qai tukuna vua na ka e kaya na iVolatabu ni o vakayagataka na ivakamacala ena jw.org. Oti meda tukuna se vakaraitaka vua na vanua eda kauta mai kina noda ivakamacala, se rawa ni wiliwili sara ga o koya mai na Web site. E vuavuaivinaka na ka e cakava na watina e dua na ivakatawa dauveilakoyaki, e dau tukuna: “Levu era vaqaqa, ‘Me beitaki na Kalou ena veika rarawa eda sotava?’ O via kila na kena isau ena 51 ga na sekodi?” Oti e tabaka sara na nona talevoni veikauyaki me rogoci na isau ni taro e katona mai na Web site. E tinia nona ivakamacala ni cega na wase 11 ni ivola Kaya na iVolatabu.