Bibi na Vakavakarau Meda Maqosa ena Veivakavulici

Rua na ituvaki e tarogi kina o Jisu ena dua tiko ga na taro me baleta na veivakaturi, ia e sauma vakamaqosa me salavata kei na ka e kauai kina o koya e taro. (Luke 10:25-28; 18:18-20) Eda na rairai kila vinaka na ivola ni vuli iVolatabu, ia e bibi meda vakarautaka rawa nida vakasamataki gonevuli tiko. Na tikina cava ena dredre vua me kila se vakabauta? Na tikinivolatabu cava e lavetaki me keirau wilika? Me vakacava na levu ni ka me vulici? Bibi meda vakarautaka e dua na vosa vakatautauvata, ivakamacala se vica na taro me rawa ni taura matua na ka e vakamacalataki tiko. Me vaka ni vakatubura o Jiova na sore ni ka dina e lomana, e bibi meda kerea nona veitokoni nida vakavakarau ena vuli. Meda kerea tale ga me tokoni gonevuli kei na noda sasaga meda vukei koya vakayalo.​—1 Kor. 3:6; Jeme. 1:5.