Dau Veimaliwai kei Ira na Lomani Jiova

Na cava meda dau veimaliwai kina kei ira na lomani Jiova? O ira na noda ilala era na uqeti keda ena ka vinaka se ka ca. (Vvb 13:20) Kena ivakaraitaki o Tui Joasi. E vakayacora tiko ga na “ka e donu ena mata i Jiova” ni rau dau veimaliwai kei na Bete Levu o Jioiata. (2Ve 24:2) Ni mate o Jioiata, e biuti Jiova o Joasi ni vakailala ca.—2Ve 24:17-19.

Ena imatai ni senitiuri  G.V., e vakatauvatana na ivavakoso vaKarisito na yapositolo o Paula kei na dua na “lomanivale levu,” o ira na lewe ni ivavakoso kei na “veimataqali iyaya,” se iyaya ni lomanivale. Eda na rawa tiko ga ni “vaka na iyaya e vakayagataki ena inaki dokai” nida muduka noda vakailala kei ira na sega ni vakamarautaki Jiova. Okati kina o ira na lewe ni noda vuvale, se lewe ni ivavakoso. (2Tm 2:20, 21) Koya gona meda vakailala tiko ga kei ira na lomani Jiova nira uqeti keda meda qaravi koya.

ME SARAVI NA VIDIO CATA NA ILALA CA, QAI SAUMA NA TARO QO:

• Na cava eso na ituvaki eda sega kina ni liaca nida sa vakailala ca tiko?

• Ena drama qo, na cava e uqeti ratou na tolu na tacida lotu vaKarisito me ratou muduka na vakailala ca?

• Na ivakavuvuli vakaivolatabu cava ena uqeti iko mo digia vinaka na nomu ilala?