Sala Meda Vakayagataka Kina na Vakatutu ni Veivosaki

Me tekivu ena Janueri 2018, sa dau tabaki na vakatutu ni veivosaki ena waqa ni iVola ni Soqoni ni Noda Bula vaKarisito kei na Cakacaka Vakaitalatala. Meda vakayagataka vakacava?

Ni o Lesi ena iTavi ni Gonevuli: Mo vakayagataka na taro, tikinivolatabu kei na vakatutu ni veisiko e tarava. Ia e sega ni kena ibalebale qori mo sa cavuqaqataka sara ga na ka e cavuti ena kena vidio ni vakatutu. O rawa ni veisautaka na ituvaki o vunau kina, na ikau, nomu ivakamacala, kei na levu tale. O rawa ni solia tale ga e dua na ka mai na iVukevuke ni Veivakavulici (Teaching Toolbox), ke sega mada ga ni tukuni ena idusidusi ni nomu itavi.

Ena Cakacaka Vakaitalatala: E vakarautaki na vakatutu ni vunau me rawa nida vakasamataka na sala meda vunau kina. Ke tataleitaki e dua qai via kila e levu na ka, o rawa ni tomana na veivosaki, de dua mo vakayagataka sara na ivakamacala ena vakatutu ni veisikovi lesu. O rawa ni veisautaka vakalailai na vakatutu se digia ga e dua na iwalewale. Mo taroga: Vakacava ena yaga vakalevu ena yalava e dua na vakatutu sa vakayagataki oti, se duatani tale na tikinivolatabu? Era na kauai vakalevu ena dua na ka e yaco tiko, se itukutuku butakatakata? Se o mani vakayagataka vakacava na vakatutu ni veivosaki, me nomu inaki mo “cakava na ka kece ena vuku ni itukutuku vinaka,” mo “bau vakaivotavota ena kena tukuni yani.”—1Ko 9:22, 23.