Vunau Lavotaki ena Noveba Meda Kacivaka na Matanitu ni Kalou

E vunautaka o Jisu “na itukutuku vinaka ni Matanitu ni Kalou.” (Lu 4:43) E vakavulica tale ga meda masulaka me yaco mai na Matanitu qori. (Mac 6:9, 10) Eda na vakaitavi ena Noveba ena dua na vunau lavotaki me kacivaki raraba kina na Matanitu ni Kalou. (Mac 24:14) Tuvanaka mo vakaitavi vakalevu ena vunau lavotaki qori. E rawa nira digia na painia veivuke mera rawata e 30 se 50 na aua ena vula qori.

Saga mo wasea e dua na tikinivolatabu me baleta na Matanitu ni Kalou vei ira e levu ena nomu yalava. Ni o digia e dua na tikinivolatabu, vakasamataka na nodra vakabauta na rogoci iko. Ke dua e tataleitaki ena imatai ni veisiko, solia vua na itabataba ni Vale ni Vakatawa Nb. 2 2020. Mo qai lesuvi koya ena kena gauna totolo duadua, saga mo tauyavutaka sara na vuli iVolatabu ena dua na ivola e vakarautaki ena iVukevuke ni Veivakavulici (Teaching Toolbox). Sa lekaleka sara na gauna, sa vakarau yavala na Matanitu ni Kalou me vurumemeataka na veiliutaki kece era veitusaqati. (Tan 2:44; 1Ko 15:24, 25) O koya gona, meda vakaitavi mada ga vakalevu ena vunau lavotaki qo meda vakaraitaka noda totaki Jiova kei na nona Matanitu!