Raici Ira na Kenamarama Mera Tinamu, Ira na Goneyalewa Mera Ganemu

E tukuni ena iVolatabu meda raici ira na lotu vaKarisito era qase cake mera tinada kei na tamada, o ira na gone mera tacida. (Wilika 1 Timoci 5:1, 2.) E vinakati vakabibi vei ira na tacida tagane mera rokovi ira na tacida yalewa, mera dokai ira tale ga.

Ena qarauna na nona ivalavala na tacida cauravou de nanuma na ganena goneyalewa ni taleitaki koya. (Jop 31:1) Ena sega ni vaqitoqito na tacida cauravou me nanuma kina o goneyalewa ni vinakata me rau veibuku.

Era na kauaitaka na qase ni ivavakoso na ka era taroga na tacida yalewa se nira rairai kauai ena dua na ka. Era kauaitaki ira sara vakabibi na tacida yalewa e sega na watidra me taqomaki ira.—Ru 2:8, 9.

ME SARAVI NA VIDIO VAKARAITAKA TIKO GA NA LOLOMA VEI IRA EDA VAKABAUTA VATA—IRA NA YADA KEI NA SEGA NI VAKATAMANI, QAI SAUMA NA TARO QO:

• 

  Era vakaraitaka vakacava na lewe ni ivavakoso nira lomani Sister Myint vakalevu?

• 

  Era ivakaraitaki vinaka vakacava na lewe ni ivavakoso vei ira na tiko ena nona koro?

• 

  E uqeti rau vakacava na luvei Sister Myint na nodra loloma na lewe ni ivavakoso?

Sala cava o na vakaraitaka kina ni o lomani ira na tacida yalewa ena ivavakoso?