Ena Oti na Veika Dredre

Dau rawarawa ni vakayalolailaitaki keda na ituvaki dredre, vakabibi nida sotava tiko qori ena dua na gauna balavu. E kila o Tevita ni na oti na ituvaki e sotava tiko vei Tui Saula, ena tui tale ga me vaka e yalataka o Jiova. (1Sa 16:13) Nona vakabauta o Tevita e uqeti koya me yalovosovoso ni waraki Jiova.

Nida sotava na ituvaki dredre, ena yaga na yalomatua, kilaka, kei na raiyawa meda veisautaka na keda ituvaki. (1Sa 21:12-14; Vvb 1:4) Ia eso na ituvaki e sega ni veisau nida saga meda muria na ivakavuvuli vakaivolatabu ena noda vinaka. Ena ituvaki va qori, e bibi meda yalovosovoso qai waraki Jiova. Sa voleka ni vakaotia noda rarawa, ena “qusia tani . . . na wainimata kece” mai matada. (Vta 21:4) Ke vakaotia o Jiova noda rarawa ena gauna qo, se dua tale na ka, e dua ga na ka e matata: Na ituvaki dredre kece ena oti yani. Qo e vakacegui keda.

SARAVA NA VIDIO DUAVATA NI TATAWASEWASE O VURAVURA, OTI SAUMA NA TARO QO:

• Na cava eso na ka dredre era sotava na lotu vaKarisito ena ceva kei Merika?

• Era vakaraitaka vakacava na yalovosovoso kei na loloma?

• Rawa vakacava nira dei tiko ga ena ‘veika e bibi sara’?—Flp 1:10