Painia

Eda vakayagataka vinaka noda kaukaua nida sasagataka na isausau vakayalo. (1Ko 9:26) E yaga na isausau nida na vakayagataka vinaka kina na gauna se vo ni bera na icavacava ni ituvaki qo. (Efe 5:15, 16) Ena sokalou vakavuvale, eda rawa ni veivosakitaka na isausau ni yabaki vou ni cakacaka. Me vukei iko, e toka ena ivola ni soqoni qo eso na ulutaga me baleta na isausau o rawa ni vakasamataka qai masulaka.—Jem 1:5.

Me kena ivakaraitaki, dou rawa ni veitokoni kece vakavuvale me dua mada ga vei kemudou e painia tudei. Ke o nanuma ni o sega ni rawata na aua e lavaki, veitalanoa kei na so na painia e via tautauvata na kemudrau ituvaki. (Vvb 15:22) De dua, e rawa ni vakatarogi e dua na painia ena nomudou sokalou vakavuvale. Oti vola sara e vica na ituvatuva o rawa ni muria. Ke o painia ena dua na gauna sa oti, vakacava o rawa ni painia tale ni sa veisau na kemu ituvaki?

Vakacava e rawa ni painia veivuke eso e vale me dua se vica na vula? Ke o sega ni kaukaua, o rawa ni painia veivuke ni o vunau vakalailai e veisiga. Ke o sega ni rawa ni vunau ena lomanimacawa ni o cakacaka tudei se vuli tiko, o rawa ni painia ena vula e tiko kina na olodei se lima na kena muanimacawa. O rawa ni vola ena ivolanivula na gauna mo painia veivuke kina qai vola e dua na kena ituvatuva.—Vvb 21:5.

SARAVA NA VIDIO YALOQAQA . . . NI O DUA NA PAINIA, QAI SAUMA NA TARO QO:

• Na cava e vakaraitaka na irogo nei Sister Aamand ena nona dau karoni ira na painia o Jiova?