Vakayagataka Nomu “iSolisoli Vakayalo”

Eda dau marautaka noda veivakayaloqaqataki vakamataveitacini. Ia e levu na ka e okati kina, sega ni noda veimaliwai ga. E tukuni ena iVolatabu ni noda veivakayaloqaqataki ena vuku ni noda vakabauta, e “isolisoli vakayalo.” (Roma 1:11, 12) Eda na vakayagataka vinaka vakacava na isolisoli qori?

Digia vinaka na ka o tukuna. Kena ivakaraitaki, nida vakamacala ena soqoni meda vakabibitaki Jiova, nona Vosa, kei ira nona tamata, sega ni o keda. Nida veitalanoa kei ira na tacida, eda rawa ni digia meda veivosakitaka na ka e veiuqeti.

Me veiuqeti nomu vakatulewa kei na ka o cakava. Kena ivakaraitaki, era digia eso mera veiqaravi tiko ga vakatabakidua ni dredre mada ga na ka era sotava. Eso tale era sega ni calata na soqoni ena lomanimacawa nira oca tu mai na cakacaka se nira tauvimate bibi.

Vakacava e dau vakayaloqaqataki ira na mataveitacini na ka o tukuna kei na ka o cakava? E dau uqeti iko tale ga na nodra ivakaraitaki?