O se Nanuma Tiko?

O bau wilika vinaka na itabataba ni Vale ni Vakatawa ni yabaki qo? Raica mada ke o rawa ni sauma e vica na taro qo:

Cava e uqeti keda meda vakarokorokotaki Jiova?

Eda cakava qori nida dokai Jiova vakalevu, eda lomani koya tale ga. Eda vakarokorokotaki koya tale ga nida vinakata mera kilai koya e levu tale.—w25.01, t. 3.

Ke dua e vakacudrui keda, sala cava eda na veivosoti kina vakalevu?

Eda na kauaitaka na ivakarau ni lomada; ia nida sega ni cudru tiko ga se leva ena taqomaki na lomada meda kua ni loma ca.—w25.02, t. 15-16.

Na cava e tisaipeli ivakaraitaki vinaka kina o Marika vei ira na cauravou?

E yalorawarawa me ciqoma na ilesilesi e soli vua. A rairai rarawataka e dua na ituvaki, e mositi koya sara ga, ia e veiqaravi tiko ga. E saga me vinaka tale nona veitokani kei Paula kei ira na mataveitacini matua.—w25.04, t. 27.

Na cava na ibalebale ni nona masulaka o Jisu: “Au sa vakatakila vei ratou na yacamuni”? (Joni 17:26)

Ratou sa kila rawa tu na tisaipeli na yaca ni Kalou. Ia e vukei ratou o Jisu me ratou kilai Jiova vinaka, nona inaki, ka e cakava, kei na nona itovo.—w25.05, t. 20-21.

Ke da yalomalumalumu, cava eda na kila?

E lailai ga na ka eda kila. Kena ivakaraitaki, eda sega ni kila na gauna ena vakarusai kina na ituvaki ca ni vuravura qo, se na ka ena cakava o Jiova ena gauna qori. Eda na sega tale ga ni kila na ka ena yaco nimataka, se na levu ni ka e kila o Jiova me baleti keda.—w25.06, t. 15-18.

Na cava meda cakava me yaga kina vei keda e dua na ulutaga se dua na ivunau?

Meda taroga: ‘Na ivakadinadina cava e tukuni mera vakabauta na vakarorogo? E tiko e dua na vosa vakatautauvata yaga au rawa ni vakayagataka ena veivakavulici? O cei ena taleitaka na ulutaga qo?’—w25.07, t. 19.

Na cava eda vulica ena veivosoti i Jiova ena ka e cakava vei Tevita?

E cakava o Tevita eso na cala bibi, ia ni veivutuni dina, e vosoti koya o Jiova. (1 Tui 9:4, 5) Ni vosota e dua o Jiova, e sega ni nanuma tale tiko na ivalavala ca qori, se kauta cake tale mai.—w25.08, t. 17.

Ke dredre vei gonevuli e dua na ka drau vulica tiko, cava mo cakava?

Ke dredre me kila vinaka e dua na ka e vulica, kua ni veivosakitaka tiko ga, me toso ga nomudrau vuli qai lesuva tale mai.—w25.09, t. 24.

E tukuna na iVolatabu ni ivalavala ca e “veibacani.” (Iper. 3:13) Ena sala cava?

E rawa ni bacani keda na ivalavala ca meda cakava na ka ca. E rawa tale ga ni bacani keda meda vakatitiqa tiko ga, dua vei ira ke lomani keda dina na Kalou.—w25.10, t. 16.

Na cava e tolu na ka me vakaibalebale kina vakalevu na noda masu?

(1) Meda vakasamataka vakatitobu na itovo i Jiova. (2) Meda vakasamataka e dua na ituvaki eda sotava tiko qai masulaka, me vaka noda via vosota e dua. (3) Meda masu vakabalavu. Eda na rawa ni talaucaka kina na ka e tu e lomada.—w25.10, t. 19-20.

Eda na vukei ira vakacava na itabaqase?

Meda gade vei ira se qiriti ira. Meda tomani ira nira lai laurai vakavuniwai. Se da tomani ira ena so tale na iwalewale ni cakacaka vakaitalatala.—w25.11, t. 6-7.

Ena rokovi vakacava na vakamau ni lotu vaKarisito?

Muria na lawa ni matanitu. Vakadeitaka me laurai na vua ni yalo tabu ena soqo kei na kana ni vakamau. Me rakorako na nomu isulusulu, qarauna me kua ni caka na itovo vakavanua e sega ni vakaivolatabu. Veivosaki vinaka ni o vakavakarau tiko ena vakamau.—w25.12, t. 21-24.