• E Tekivu Vakacava na Bula?
    Marau me Tawamudu!—Vuli iVolatabu

    • 1. E tekivu vakacava na lomalagi kei na vuravura?

      E kaya na iVolatabu: “Ena ivakatekivu, e bulia na lomalagi kei na vuravura na Kalou.” (Vakatekivu 1:1) Era duavata e levu na saenitisi ni tiko na itekitekivu ni lomalagi kei na vuravura. E bulia vakacava na Kalou? E vakayagataka nona “igu kaukaua,” oya nona yalo tabu me bulia na ka kece e tu kina, me vaka na isoso kalokalo kei na vuravura tale eso.​—Vakatekivu 1:2.

  • E Tekivu Vakacava na Bula?
    Marau me Tawamudu!—Vuli iVolatabu

    • 5. E tiko na yavu vinaka meda vakabauta kina na itukutuku ni bulibuli

      Ena Vakatekivu wase 1, e vakamacalataka na iVolatabu na itekitekivu ni vuravura kei na veika bula era tu kina. O vakabauta na itukutuku qori se o nanuma ni italanoa lasu ga? Sarava na VIDIO, qai veivosakitaka na taro tarava.

      VIDIO: E Buli na Lomalagi kei na Vuravura?​—⁠Vidio Lekaleka (3:​51)

      iYaloyalo: Dua na itaba mai na vidio ‘E Buli na Lomalagi kei na Vuravura?​​—⁠Vidio Lekaleka.’ 1. Na ono na siga ni bulibuli mai nona rai e dua e tiko e vuravura. 2. E laurai e vuravura ni oti na ikaono ni siga ni bulibuli na matanisiga, vanua mamaca, wai, veikau, manumanuvuka, manumanu ni vanua kei na tamata..

      • Vakacava e kaya na iVolatabu ni a buli na lomalagi kei na vuravura kei na veika e tu kina ena ono ga na siga e 24 na kena aua?

      • O nanuma ni rawarawa qai matata na ka e kaya na iVolatabu me baleta na bulibuli? Na vuna?

      Wilika Vakatekivu 1:​1, qai veivosakitaka na taro qo:

      • Era kaya na saenitisi ni tiko na itekitekivu ni lomalagi kei na vuravura. E veisemati vacava qo kei na ka o wilika ena iVolatabu?

      Eso era nanuma ni vakayagataka na Kalou na bula vakaidewadewa me buli kina na veika bula. Wilika Vakatekivu 1:​21, 25, 27, qai veivosakitaka na taro qo:

      • Vakacava e kaya na iVolatabu ni bulia na Kalou na sela somidi lailai qai vakalaiva me dewa me ika, manumanu kei na tamata? Se a bulia na veika bula kece me vaka na kedra “mataqali”?b