“O Yau Qo! Moni Talai Au!”

E dodonu meda vakatotomuria na nona dau vakuai koya o Aisea. E sega ni kila vakamatailalai na ka ena sotava, ia e vakaraitaka nona vakabauta qai yalorawarawa me soli koya. (Ais 6:8) Vakacava o rawa ni cakava eso na veiveisau mo lai veiqaravi ena vanua e vinakati kina na veivuke? (Sm 110:3) E vinakati kina meda “cakacakataka na kena isau” ni bera nida toki. (Lu 14:27, 28) Ia meda tu vakarau nida vakuai keda ena vuku ni cakacaka vakavunau. (Mac 8:20; Mar 10:28-30) Me vaka ga eda sarava ena vidio Veiqaravi ena Vanua e Vinakati Kina na Veivuke, ena sega ni tukuni rawa na veivakalougatataki eda vakila nida qaravi Jiova.

ME SAUMI NA TARO QORI NI SARAVI OTI NA VIDIO:

• Na cava soti ratou vakuai ratou kina na vuvale na Williams me rawa ni ratou veiqaravi e Ecuador?

• Na cava ratou vakasamataka rawa ni bera ni ratou digia na vanua me ratou veiqaravi kina?

• Na veivakalougatataki cava ratou marautaka?

• E vei na vanua o rawa ni taro kina mo kila na vanua e vinakati kina na veivuke?

ENA NOMUDOU SOKALOU VAKAVUVALE TARAVA, ME VEIVOSAKITAKI ESO NA TARO QO:

• Eda na vakarabailevutaka vakacava noda cakacaka vakaitalatala vakavuvale? (km 8/11 4-6)

• Ke da sega ni rawa ni veiqaravi ena vanua e vinakati kina na veivuke, sala cava eda na veivuke kina ena noda ivavakoso? (w16.03 23-25)