Kɑ tɑ po ntchee mɑ Nufʉʉ Mboo?

ÑWⱭʼNI MBOO NDEN MⱭ KⱭ

“Mboo kɑ phʉ lɑ i nsɑʼ ntʉɑ nufʉʉ zi, ya lɑ bɑ kɑ mie səə lieʼ.”​—Dania 2:44, Traduction du monde nouveau.

“Po nhɑ tɑʼ moo mbi pɑɑ, kom ngweʼ fi i mbɑ nɑ tu nkɑmbʉɑʼ i.”​—Isaya 9:6.

BAA LⱭ MⱭ NDⱭʼSI MBU O MⱭ KⱭ

• Tɑʼ kom ngweʼ fi nkɑndɑk wu mɑ nghʉ mbɑ wɑlɑ nzɑpi ntieʼ.​—Isaya 48:17, 18.

• Vɑɑ pi mbʉɑ nsi si ghoo, mbɑ nsi pepeʼ ndom siecɑʼ fi kɑ nji nsɑʼ lɑ.​—Njʉhsidie 21:3, 4.

WU YI LETIA ŊWⱭʼNI NDEN LⱭ MⱭ NDENDEE?

Nh, mbɑ dɑʼ nɑ nu nji pʉɑ:

• Yeso lɑ lɑʼsi yoh wu yi Nufʉʉ Mboo i nsɑʼ ghʉh lɑ. Yeso lɑ lɑʼsi mbi poo mfɑʼ mi laa nghʉ lɑɑsi mɑ Nufʉʉ Mboo nsɑʼ, mbɑ mɑ yi kweʼ lohsi sietchɑʼ. (Matio 6:9, 10) Yeso lɑ lɑʼsi mbi poo mfɑʼ mi mbʉɑ yi Mboo i mbɑʼ nu nɑ lɑɑsi mbia lɑ.

  Ntieʼ yi Yeso lɑʼ ndom sietchɑʼ lɑ a lɑ ntaʼjieh pʉnok, njaasi ngaʼ ghoo, mba njom pʉnok nɑ wuɑ! (Matio 15:29-38; Jan 11:38-44) Mvɑk yi Yeso mɑ i nsɑʼ Nufʉʉ Mboo lɑ, a lɑ pʉʼ hu nɑ nkue pepeʼ yi Nufʉʉ Mboo i nghʉ mbi pʉ kɑ njuʼ nshu Mboo lɑ.​—Njʉhsidie 11:15.

• Mbʉɑ yi nzɑ laa mbɑ ntieʼ lɑ mɑ ndɑʼsi mɑ mɑdɑʼ mɑ Nufʉʉ Mboo toʼ siecɑʼ. Yeso lɑ pəhmbhi nden mɑ Nufʉʉ Mboo kɑ liʼ laa mbuani sɑʼ sietchɑʼ, mɑ ntcho, njiekuʼ, mbɑ shʉʼtchɑʼ ghʉh nu tɑ ya ghɑʼmbo.​—Matio 24:3, 7.

  Pɑɑ mɑ njii nkue baa nu sipeʼ lɑ zeʼe. Faʼa lɑ pɑɑ mɑ njii kwɑʼ ndendee mɑ mɑdɑʼ mɑ Nufʉʉ Mboo pee nkue nganga waʼ