Mɔ̀ Gbɛvivi ɖò Ayikungban ji Káká Sɔyi Mavɔmavɔ!

Wema kpɛvi elɔ́ nyi biblo bó ná d’álɔ we nú a ni do tuwùn mɛ e bló ayikungban ɔ kpó nǔ e ɖe mɛ lɛ bǐ kpó é. A na kplɔ́n ɖɔ Mawu e ɖó ayikungban ɔ ɖó nyikɔ́ ɖé. Mɔ ɖokpó ɔ, mǐ na tinmɛ nu é wutu Mawu ɖó gbɛtɔ kpó lée a na mɔ̀ gbɛvivi ɖò ayikungban ji káká sɔ́yi mavɔmavɔ kpo ɖó é.

Mǐ ɖó nukun ɖɔ̀ yɛɖiɖe gègé é ɖò wema elɔ́ mɛ e lɛ́ na ɖ’álɔ we nú a ni do ɖó mɔjɛmɛ̀ nǔ énɛ́ lɛ tɔn. Ényí a na ɖu wema élɔ́ sín lè ganji ɔ, a ɖo na xà wefɔ Biblu tɔn é nyi winwlán ɖò gègé yɛɖiɖe lɛ tɔn sín àkpá lɛ é. Gbɔn mɔ mɛ ɔ, a na kplɔn ɖé lɛ ɖò akpádídó ɖagbe Mawu tɔn é ɖò Biblu ɔ mɛ lɛ é mɛ. Mɔ ɖokpo ɔ, a na tuwùn nǔ ɖe Mawu ɖɔ a ni wà bó ná do mɔ nǔ ɖagbe e na wá sín akpádídó enɛ́ lɛ sin ɖiɖe mɛ é.

Bɔ́yá a na jlǒ na zǎn wema élɔ́ bo na do d’álɔ mɛɖevo lɛ. Ényí a ka ɖó vǐ ɔ, e na ɖ’álɔ we bɔ a na kplɔ́n nǔ yé dó Mawu ji. Ényí a nɔ nɔ̀ tò e mɛ̀ wɛ gbɛtɔ gègé ma tuwùn wema xa ɖe a ɔ mɛ ɔ, a sixu zǎn yɛɖiɖe lɛ bo dó ɖɔ linlin Mawu tɔn nú yé bo nu yé ɖésúnɔ lɛ ni sixu ɖ’álɔ nɔzò yé tɔn lɛ.

Mǐ ɖó nukun ɖó wɛ ɖɔ̀ wema kpɛvi elɔ́ kpinkplɔn na xlɛ́ we lée a na mɔ̀ nyɔ̀ná gègé lɛ yí gbɔn e, bo na lɛ́ xlɛ́ mɛɖevo lɛ ɖée yé na wà gbɛn bo dó nɔgbɛ ɖò ayikungban ji sɔ́yi mavɔmavɔ gbɔn é.