Etɛwɛ a ka ɖo na wà?
50 A jlo na nɔgbɛ̀ káká sɔyì mavɔmavɔ ɖo paladisi ɖagbe enɛ mɛ à?
Enyi ɖɔ mɔ wɛ́ e nyi ɔ, a ɖo na lɛ kplɔn nu susu do Mawu ji. Tɛnkpɔn bó kplɔn Biblu xixa.—Jaan 17:3; Nǔɖexlɛ́mɛ 1:3
51 Kplɔn nǔsusu do Jezu ji.—Deutéronome 18:18, 19; Jaan 3:16; Mɛsɛ́dó 3:19-23
52 Dógǎn bo wà nǔɖagbe lɛ bo ka setonu nú Jehovah.—Hlɔmanu Lɛɛ 6:17, 18, 22
53 Flin ɖɔ Jehovah gbɛ́ mɛhuhu.—Exode 20:13; 1 Jaan 3:11, 12
54 Mǐ ɖo na ze nu e nyi mɛɖevo tɔn ɔ à.—Exode 20:15; Efɛzinu Lɛɛ 4:28
55 Súnnù ɖó na nɔ̀ kpɔ́ kabi yìxɔ̀ kpó nyɔnu ɖevo kpó à.—Exode 20:14, 17; 1 Tɛsalonikinu Lɛɛ 4:3
56 A flin nyɔnu nabi é Mawu nagbè sunu ɖɔ é ni dà ɔ à? Kaka jɛ hwetɛnu wɛ súnnù na nɔ̀ kpɔ́ kpó asi tɔn kpó?—Genèse 2:22, 24; Matie 19:5, 6; 1 Kolɛntinu Lɛɛ 7:2, 10, 11
57 Lɛ vɔ flin ɖɔ Jehovah ɖokpo géé wɛ a ɖo na sɛ̀n.—Matie 4:10; 1 Kolɛntinu Lɛɛ 8:6
58 Bocyɔ lɛ kpó yɛɖiɖé lɛ kpó sixu d’álɔ mǐ à. Etɛwu?—1 Kolɛntinu Lɛɛ 8:4
E ka nyɔ ɖɔ e ni ɖò Bocyɔ lɛ à?—Deutéronome 27:15; 1 Jaan 5:21
59 Etɛwutu wɛ bǒwiwà kpó vodun ɖiɖo kpó ka nyla?—Deutéronome 18:10-13; Nǔɖexlɛ́mɛ 21:8
60 Wɛnsagùn nyanya lɛ kabi awǒvì lɛ fɔ́ngu dó Mawu ji. Yè nɔ gbɔn bǒkɔnɔ lɛ ji bo nɔ blɛ́ gbɛtɔ́ lɛ.—Mɛsɛ́dó 16:16
61 Mǐ ɖó na nɔ xòɖɛ̀ sɛdo Mawu. Ðɛxixo nyi hó ɖiɖɔ nú Mawu, ɖiɖɔ ni wɛ ɖɔ̀ mǐ jlo na sɛ̀n ɛ bo ɖò alɔdó tɔn biɔ wɛ.—Filipunu Lɛɛ 4:6, 7
62 Mǐ ɖo na setónú nú Jezu bo ɖinu ni.—Eble Lɛɛ 5:9; Jaan 3:16
63 Flin ɖɔ e kú bo na do hwlɛn mǐ gán.—Hlɔmanu Lɛɛ 5:8
64 Flin ɖɔ Axɔsu nukun mámɔ̀ mǐtɔn wɛ Jezu nyi. Mǐ ɖo na setónú ni.—Filipunu Lɛɛ 2:9-11; Nǔɖexlɛ́mɛ 19:16
65 Jezu ɖɔ nǔɖagbe ée kplɔn wɛ a ɖe lɛ é ɔ, a ni nɔ ɖɔ yè nú mɛɖevo lɛ bo nu mɛ e jlǒ na sɛ̀n Mawu lɛ é ni do yí baptɛm.—Matie 28:19, 20; Jaan 4:7-15
66 Enɛwutu ɔ, a sixu nɔ ɖɔ nǔɖagbe enɛ lɛ nú xɔ́ntɔ̀n towe lɛ.—Matie 10:32
67 Enyi a ɖo nǔxixa kplɔn wɛ ɔ, a sixu tuwùn nugègé bó na wá ɖ’álɔ mɛɖevo lɛ ganjí.—2 Timɔtée 2:15
68 Jezu kplɔn nu yɔkpɔvu pɛvi lɛ lɔɔ́ mɔ̀ nú yè ni dó setónú nú Mawu. Alɔnu tɔn nɔ ján káká bɔ xoɖiɖɔ nú yè nɔ glo é à.—Matie 19:13-15
69 Mɛjitɔ́ lɛ ɖo na kplɔn vi yètɔn lɛ tɛgbɛ ɖɔ ye ɖó na setónú nu Mawu bo yiwan ni i.—Deutéronome 6:6, 7; Proverbes 6:20-22; Efɛzinu Lɛɛ 6:4
70 Sinsɛ̀n gègé wɛ tiin. Nukplɔn mɛ yètɔn gègé ɖò Biblu ɔ mɛ à. Jehovah ɖɔ nú mǐ ɖɔ̀ mǐ ni gosín sinsɛn e mɔ nɔ kplɔn nugbo mɛ a lɛ é mɛ.—Nǔɖexlɛ́mɛ 18:4; Jaan 4:23, 24
71 Jehovah ɖó gbɛtɔ ɖěe sixu kplɔn nǔsusu we dó eɖesunɔ wu gɔ́ná lɛ e ɖò ayikungban ji. A ka tuwùn mɛ é wɛ̀ lɛ é à?—Mɛsɛ́dó 15:14; Hlɔmanu Lɛɛ 10:14, 15
72 Kúnnúɖétɔ́ Jehovah tɔn lɛ wɛ. Ayijàyǐ nɔ tíin ɖo tɛ́ntin yè tɔn. A tuwùn nu e wutu wɛ ɔ à? Yè yǐwǎn nú yè ɖélɛ wɛ zɔ́n.—Isaïe 43:10-12; Jaan 13:34, 35
73 Ðo yè yǐwǎn nú Jehovah lɔɔ́ mɔ̀ wutu ɔ, yè yí baptɛm. Mɔwɛ yè nɔ xlɛ ɖ’agbawungba ɖɔ̀ emi lɛ ko jǒ jijɔ nyanya xóxó lɛ dò bo jlǒ na ze gbɛ̀ emitɔn dó sɛ̀n Mawu.—Mɛsɛ́dó 2:41
74 Kúnnúɖétɔ́ Jehovah tɔn lɛ ɖò nukunɖo wɛ ɖɔ emi lɛ na nɔ̀ gbɛ̀ ɖò paladisi yɔyɔ̌ ɖagbe ɖe mɛ.—Psaumes 37:9-11, 29
Etɛwɛ a ɖó na wà bo na nɔ̀ gbɛ̀ kpó yè kpó ɖo fínɛ́?—Jaki 1:22, 25; 2:20-26
75 Nɔ nɔ̀ kpɔ́ kpó yè kpó bo kplɔn Jehovah sìnsɛ̀n. Yè yǐwǎn nú Jehovah kpó Jezu Klisu kpó bo nɔ setónu nú yè. Hwi lɔɔ́ mɔ̀ yǐwǎn nú yè à? A jlo na ɖ’álɔ mɛɖevo lɛ bonu yè ni tuwùn Mawu à?—Jaan 6:45-47
76 Jehovah kpó Jezu Klisu kpó yǐwǎn nú we bo jlo ɖɔ hwi ni nɔ̀gbɛ̀ ɖo paladisi mɛ káká sɔyi mavɔmavɔ.—Jaan 3:16
Nǔɖěe a ko kplɔn hwenu e a ɖo dò bà nú yɛɖiɖe é ɖò wema pɛvi elɔ mɛ lɛ kpó nǔ é nyi wiwlan ɖo akpá yètɔn lɛ kpó ko ze jlǒ gbɛ̀ ninɔ káká sɔyi mavɔmavɔ ɖò ayikungban ji dò ayi mɛ nú we. Enyi e jlo we ɖɔ a ni tuwùn nǔ susu dó nukunɖiɖo enɛ ji gɔ́ná ɔ, ɖɔ̀ nú Kunnúɖétɔ́ Jehovah tɔn ée nɔ nɔ̀ slaá towe mɛ lɛ ɔ. A sixu wlan wema kabi ɖɔ bɔ e wlan ɛ́ nu we sɛdo azɔwatɛn yètɔn ée sɛkpɔ xwé towe gbè é. Aɖlɛsi azɔwatɛn yètɔn lɛ tɔn nyi titò ɖo wekpà wegɔ wema pɛvi elɔ tɔn ji.