Lee nǔkplɔnkplɔn elɔ lɛ sixu hɛn lè wá nú we hugǎn gbɔn é
Nǔ mɛɖé ni d’alɔ we: Byɔ̌ mɛ e sɔ́ alɔnuwema elɔ nú we é ɖɔ é ni kplɔ́n Biblu xá we, alǒ sɛ́ nǔbyɔbyɔ towe dó ɖò tɛn Ɛntɛnɛti tɔn mǐtɔn jw.org jí.
AKPÁXWÉ NUKƆNTƆN
Xà akpáxwé lɛ ɖokpo ɖokpo, kaka jɛ nǔkanbyɔ ɖěɖee è sɔ́ wekwín tlitli dó wlán na lɛ é (A) kpo wemafɔ (B) ɖěɖee tɛɖɛ̌ nǔ taji lɛ jí lɛ é kpo jí. Ðǒ ayi wu ɖɔ è wlán “xà” ɖó wemafɔ ɖé lɛ kpá.
AKPÁXWÉ E ÐÒ TƐNTIN É
Nǔ e è ɖɔ jɛ nukɔn (C) ɖò Ba Dò nú Nǔ D’eji glɔ́ é nɔ tinmɛ nǔ e jí na ɖɔ xó dó wɛ è ɖè é. Xótalá lɛ (D) nɔ sɔ́ nǔ taji lɛ sín nu ɖó te. Nɔ xà wemafɔ lɛ, nɔ na xósin nú nǔkanbyɔ lɛ, bo nɔ lɛ́ kpɔ́n video lɛ (E).
Nɔ kpɔ́n ɖiɖe lɛ kpo tinmɛ e è na dó ye jí lɛ é (F) kpo, bo nɔ lin tamɛ dó lee a na na xósin nú nǔ e Mɛɖé lɛ Ðɔ (G) é gbɔn é jí.
AKPÁXWÉ GUDO TƆN
Etɛ lɛ A ka Kplɔ́n? kpo Vɔ̌gbɔnji kpo (H) nɔ sú ta nú nǔkplɔnkplɔn ɔ. Wlǎn azǎn e jí nǔkplɔnkplɔn ɔ fó é. Nǔ E Gbé A Sixu Nya É (I) na ɖɔ nǔ e jí a na w’azɔ̌ dó é nú we. Nǔ ɖevo e a sixu xà alǒ kpɔ́n lɛ é ɖò Kíjé (J) mɛ.
Lee a sixu mɔ wemafɔ Biblu tɔn lɛ gbɔn é
Nǔ elɔ lɛ nɔ dó gesí wemafɔ e wɛ é: Wema Biblu tɔn ɔ (A), wemata ɔ (B), kpo wemafɔ alǒ wemafɔ lɛ kpo (C). Ði kpɔ́ndéwú ɔ, Jaan 17:3 sín tinmɛ wɛ nyí wema Jaan tɔn, wemata 17, wemafɔ 3.