Xosɛxweta

Jehovah wɛ nyí kpɔ́ndéwú mɛɖéejiɖuɖe tɔn ɖaxó hugǎn ɔ. Nɛ̌ gbɛtɔ́ lɛ ka sixu wà nǔ éɖɔhun bo ɖè jijɔ enɛ xlɛ́ gbɔn? Afɔ tawun tawun tɛ lɛ a ka sixu ɖè bo vɔ́ hlɔnhlɔn na mɛɖéejiɖuɖe towe?

Etɛ ka nyí è ni sè wuvɛ̌ xá mɛ? Jehovah kpo Jezu kpo zé kpɔ́ndéwú e nǔ bǐ vɔ ɖ’ewu é ɖ’ayǐ ɖò jijɔ enɛ ɖiɖexlɛ́ mɛ. Ali tawun tawun tɛ lɛ nu mǐ ka sixu xwedó kpɔ́ndéwú yetɔn ɖè? Nǔ ɖagbe tɛ lɛ mɛ mɔ̌ wiwa ka sixu tɔ́n kɔ dó nú mǐ?

Etɛwu é ka nyí nǔ taji ɖɔ Biblu ɔ fɔ́n bo kpó ɖò tíntíìn wɛ ɖò gbè gègě mɛ? Nɛ̌ mǐ ka sixu ɖexlɛ́ ɖɔ Xó Mawu tɔn e mǐ ɖó ɖò gbè e mɛ mǐ sixu mɔ nukúnnú jɛ é sù nukún mǐtɔn mɛ gbɔn? Xota elɔ lɛ na zɔ́n bɔ lee Biblu ɔ sù nukún mǐtɔn mɛ gbɔn é kpo wanyiyi e mǐ ɖó nú Dowatɔ́ tɔn é kpo na jɛji.

Klisanwun lɛ ɖó hudo akɔnkpinkpan tɔn. Nɛ̌ mǐ ka sixu ɖu lè kpɔ́ndéwú mɛ ɖěɖee ɖè jijɔ enɛ xlɛ́ ɖò hwexónu lɛ é tɔn gbɔn? Nɛ̌ mɛ winnyawinnya lɛ, mɛjitɔ́ lɛ nɔví nyɔnu mɛxomɔ lɛ kpo nɔví sunnu e ko bló baptɛm lɛ é kpo ka sixu ɖexlɛ́ ɖɔ emi kpankɔ́n bo ɖò gbesisɔmɛ mɛ bá w’azɔ̌ ɖagbe lɛ gbɔn?