Xosɛxweta

Xota nukɔntɔn ɔ ɖɔ xó dó wuvɛ̌ ɖěɖee mǐ sixu mɔ, hwenu e mǐ ɖò tintɛnkpɔn wɛ bo na ɖó kúnnuɖenú lɛ é wu. É lɛ́vɔ kɛnu dó nugbodòdó Biblu tɔn ɖěɖee sixu d’alɔ mǐ, bɔ mǐ na bló bɔ nǔwukpikpé e mǐ ɖó, bo na da nǔ lɛ kpɔ́n ɖɔ ye sɔgbe à jí é na kpɔ́n te é wu. Xota wegɔ ɔ gbéjé ali e nu mɛ lɛ nɔ yawu zɔn dó nǔ e ɖò wěxo é jí dó dá hwɛ nú mɛ ɖevo lɛ ɖè é atɔn kpɔ́n. É lɛ́ ɖɔ xó dó lee mǐ sixu kpó ɖò gǎn dó wɛ, bo ma na nɔ ɖè mɛɖé ɖó vo, hwenu e mǐ ɖò nǔ wà xá mɛ lɛ wɛ é ǎ gbɔn é wu.

Jehovah ɖó gbɛtɔ́ lɛ bonu ye na nɔ ganji lobo lɛ́ ɖó awǎjijɛ. Enyi a sixu mɔ lee azɔ̌ e a nɔ wà ayihɔngbe ayihɔngbe lɛ é nɔ gɔ́ sò nú linlin Jehovah tɔn lɛ sín nukɔnyiyi gbɔn é ɔ, a na ɖó awǎjijɛ. Xota nùkplɔnkplɔn tɔn elɔ lɛ kɛnu dó lè e alɔ hunhun dó na nǔ mɛ ɖò ali vovo nu nɔ hɛn wá lɛ é wu.