Etɛwu È ka Ðó Na Yì Azɔn Ðokpo?

Nɔví mǐtɔn lɛ tɛntin wɛ mǐ ɖè hwenu e mǐ wá kplé kúnnuɖegbe tɔn é, enɛ wu ɔ, é sɔgbe ɖɔ mǐ ni ba na ɖɔ xó ɖó kpɔ́ xá ye. É ɖò mɔ̌ có, enyi kplé ɔ fó tlolo ɔ, mǐ ɖó na yì fí e mǐ ja wɛn ɔ jla ɖè gbé é azɔn ɖokpo. Yɛhwexóɖiɖɔzɔ́ mǐtɔn mya nukún tawun. (2 Tim. 4:2) Bǎ e mɛ mǐ dán lɛjɛlɛjɛ ɖó é ɔ, bǎ ɖokpo ɔ mɛ wɛ hwenu na hwedo sinsɛnzɔ́ ɔ ɖó. Enyi mǐ ɖò azɔ̌ wà ɖó kpɔ́ xá wɛnjlatɔ́ gbɛ́ mǐtɔn lɛ wɛ ɖò sinsɛnzɔ́ ɔ mɛ ɔ, ali gbɛ̌dido e nɔ hɛn mɛ lidǒ é tɔn gègě na hun nú mǐ bɔ mǐ na ɖu vivǐ yetɔn. Enyi mǐ ma nɔ dán lɛjɛlɛjɛ ǎ bo nɔ yì sinsɛnzɔ́ ɔ mɛ azɔn ɖokpo ɔ, enɛ nɔ xlɛ́ ɖɔ mǐ nyí kanɖodonuwutɔ́ ɖò devizɔ́ e wà nú Jehovah kpo Vǐ tɔn kpo wɛ mǐ ɖè é mɛ.—Hlɔ. 12:11.