Nukɔnyiyi Sinsɛnzɔ́ ɔ Tɔn Lɛ

Wema mǐtɔn lɛ lilɛ lilɛ dó anɔnugbe lɛ mɛ sín azɔ̌ ɔ ɖò nukɔn yì wɛ tawun. È kplɔ́n azɔ̌ gbɛ̌ta e na lilɛ wema mǐtɔn lɛ dó Ajagbe kpo Mobagbe kpo mɛ lɛ é ɖò Azɔ̌xɔsa Lilɛdogbeɖevomɛ Tɔn e ɖò Kara é. Ðò sun yɔywɛ ɖé mɛ dìn ɔ, tlati lɛ kpo alɔnuwema ɖé kpo na tɔ́n dó gbè enɛ lɛ mɛ. Xomɛ nɔví e nɔ dó Vegbe lɛ é tɔn hun, ɖó ye ɖó Traduction du monde nouveau ɖò gbe yetɔn mɛ dìn lo. Nɔví e nɔ dó Fɔngbe lɛ é ɖò nukún ɖó La Tour de Garde nukɔntɔn e na tɔ́n dó gbè yetɔn mɛ ɖò Aluùnsun 2016 tɔn mɛ é wɛ. É ɖò wɛn ɖɔ nukɔnyiyi enɛ lɛ na dó wusyɛn lanmɛ nú mɛ gègě, bɔ ye na xwedó wěɖexámɛ e ɖɔ ɖɔ è ni nɔ gudo nú agun e nɔ dó anɔnugbe mɛtɔn lɛ é é.