Walɔ Mímɛ́ kpo Sísí E Gɔ́ngɔ́n É kpo Nɔ Dɔn Asú alǒ Asì Mɛtɔn Wá Nǔgbo ɔ Mɛ

Hwɛhwɛ ɔ, asì ɖěɖee huzu nǔɖitɔ́ lɛ é nɔ dɔn asú yetɔn lɛ wá nǔgbo ɔ mɛ gbɔn walɔ ɖagbe yetɔn lɛ gblamɛ. Amɔ̌, enɛ sixu byɔ ɖɔ asì lɛ ni dɛ ɖò wuvɛ̌ syɛnsyɛn lɛ nu nú xwè gegě. (1Pi 2:21-23; 3:1, 2) Enyi a ɖò wuvɛ̌ sè wɛ, ɖó nǔagɔwaxámɛ wu hǔn, kpò ɖò nǔ ɖagbe wà dó ɖu ɖò nǔ nyanya jí wɛ. (Hlɔ 12:21) Vlafo asú towe na ɖótó nǔ e ɖɔ n’i wɛ a ɖè dó Jehovah wu é ǎ, amɔ̌, enyi é mɔ kpɔ́ndéwú ɖagbe e a ɖó é ɔ, linlin e é nɔ ɖó dó nǔgbo ɔ wu é sixu huzu.

Tɛ́n kpɔ́n bo nɔ kpɔ́n nǔ lɛ lee asú alǒ asì towe nɔ kpɔ́n gbɔn é. (Fili 2:3, 4) Nɔ nyɔ́ xomɛ, bo nɔ lɛ́ dó gǎn e wu a kpé lɛ é bǐ dó wà asizɔ́ towe ganji. Nɔ ɖótó mɛ ganji. (Ja 1:19, nwt) Nɔ ɖó suúlu, bo nɔ lɛ́ ɖexlɛ́ mɛ e a da é ɖɔ emi yí wǎn n’i. Enyi mɛ e a da é ma tlɛ nɔ nyɔ́ xomɛ dó wǔ we, bo nɔ lɛ́ ɖó sísí nú we lee a nɔ bló gbɔn é ǎ ɔ, a sixu kúdeji ɖɔ gbejininɔ emitɔn xɔ akwɛ ɖò Jehovah nukúnmɛ. —1Pi 2:19, 20.

KPƆ́N VIDEO JEHOVAH NA HLƆNHLƆN MǏ BƆ MǏ HƐN AGBAN MǏTƆN LƐ Ɔ, ENƐ GUDO HǓN, NǍ XÓSIN NÚ NUKANBYƆ ELƆ LƐ:

• Nɛ̌ Grace Li sín gbɛ̀ ka cí ɖò alɔwliwli tɔn sín bǐbɛ̌mɛ?

• Etɛ ka zɔ́n bɔ nǔgbo Biblu tɔn lɛ dɔn ɛ?

• Ee Nɔví nyɔnu Li bló baptɛm gudo é ɔ, nɛ̌ é ka dɛ ɖò wuvɛ̌ syɛnsyɛn lɛ nu gbɔn?

• Etɛ Nɔví nyɔnu Li ka nɔ byɔ dó asú tɔn tamɛ ɖò ɖɛ mɛ?

• Nyɔna tɛ lɛ sín vivǐ Nɔví nyɔnu Li ka ɖu, ɖó walɔ mímɛ́ tɔn kpo sísí ɖaxó e é ɖó é kpo wu?